ने. सं. ११४६ तछलाथ्व चौथी -

बुंगद्यः जावलाख्यः थ्यन, ६ गते भो टो जात्रा

यल (नेपालभाषा टाइम्स) – यलया इतिइ तयातःगु बुंगद्यःया रथ म्हिगः सालाः जावलाखेलय् थ्यंकूगु दु । म्हिगः इतिं द्यः साले न्ह्यः म्हीग सनिलय् नैंक्यालं लुइगु ज्या जूगु खः । जावलाख्यः थ्यंगु प्यन्हु दुकुन्हु भोटो क्यनेगु जात्रा जुइगु चलन कथं वइगु असार ६ गते शनिवाः भोटो जात्रा जुइ । भाटो क्यनेगु ज्याझ्वलय् राष्ट्रपति रामचन्द्र पौडेलया लिसे उच्च अधिकारीपिसं ब्वति काइगु ज्याझ्वः दु । भोटो क्यने गु ज्या क्वचायेवं बुंगद्यःयात बुंगय् यंकी । मेगु दँय् बुंगद्यःया झिंनिदँया जात्रा जुइगु जुयाः बुंगं हे जात्रा न्ह्याइ ।