अमेरिकी राजदूत थ्यन माधव नेपालया छेँय्

येँ- नेपाःया लागिं अमेरिकी राजदूत ¥यान्डी बेरीं पुलांम्ह प्रधानमन्त्री माधव नेपालयात नापलानादिल । राजदूत बेरी नेपालया कोटेश्वरय् च्वंगु छेँय् वनाः नापलाःगु खः । वय्कःपिनि दथुइ जूगु खँल्हाबल्हाया विवरण पिहां मवःसां राजदूत बेरीं थौंकन्हय् चर्चाय् वयाच्वंगु अमेरिकी सहयोग कार्यक्रम एमसीसी बारे खँ ल्हायेत हे नेपालयात नापलानादीगु अनुमान यानाहःगु दु । भाजु नेपाल नेकपाया विदेश विभाग प्रमुख नं खः ।

वय्कःयात म्हीग तिनि प्रधानमन्त्री केपी ओलीं वालुवाटारय् याकःचा सःताः ‘डिनर वार्ता’ यानादीगु खः । एमसीसी बारे निर्णय यायेत नेकपां पुलांम्ह प्रम झलनाथ खनालया नेतृत्वय् छगू कार्यदल दयेकूगु खः । तर झिन्हुया म्याद ज्वनाः गठन जूगु कार्यदलं न्यान्हु दतं नं बैठक छगू तकं तःगु मदुनि ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु