येँया नेवाः पत्रकारतय् थःगु ज्याकू

येँ मनपाया मेयर विद्यासुन्दर शाक्यं म्हिगः छगू ज्याझ्वःया दथुइ नेवाः पत्रकार राष्ट्रिय दबू येँ जिल्ला कचाया ज्याकू उलेज्या यानादिल । थनया लखतीर्थय् पत्रकार दबू येँ जिल्लाया ज्याकू चायेकूगु खः ।

मेयर शाक्यं रिबन चानाः ज्याकूया उलेज्या यानादीगु खः । पत्रकार दबू येँ जिल्ला कचाया नायः अर्बिन मान सिंया सभापतित्वय् जूगु उगु ज्याझ्वलय् दबूया केन्द्रीय नायः सुरजवीर वज्राचार्य लिसें येँ कचाया पदाधिकारीपिं मनोजरत्न शाही, रत्न महर्जन व प्रविण महर्जनपिंसं ज्याकू पलिस्था व आः थःपिंसं यायेत्यनागु ज्याखँया बारे कनादीगु खः ।

वय्कःपिंसं पत्रकार दबूया ज्याकू आः बालं कयाः चले यानागु खःसां भविष्यय् थःगु हे स्थायी चायेकेत सकस्यां ग्वाहालि यानादीत नं इनाप यानादिल ।

सम्बन्धित बुखँ

LEAVE YOUR COMMENTS