अर्बया भ्रष्टाचार, धरौती ५० लाख

येँ – छगू अर्बं मल्याक भ्रष्टाचार याःगु द्वपं लानाच्वंम्ह तत्कालिन कर फछ्र्यौट आयोगया सदस्य सचिव चुडामणि शर्मायात विशेष अदालतं ५० लाख धरौतीइ त्वःतेगु फैसला न्यंकूगु दु ।
विशेष अदालतया न्यायाधीशपिं अब्दुल अजिज मुसलमान व नित्यानन्द पाण्डेयया इजलासं सोमवाः शर्मायात ५० लाख धरौतीइ त्वःतेगु आदेश बिउगु खः ।

अख्तियार दुरुपयोग अनुसन्धान आयोगं कर फछ्र्यौट आयोगया सदस्य सचिव जुयाच्वंगु इलय् राज्यकोषयात १ अर्ब ३३ लाख २० हजार तका घाटा जुइकथं व्यवसायीतय्त थः यःयःथे कर छुट बिउगु धासें शर्माया लिसें तत्कालिन आयोगया अध्यक्ष लुम्बध्वज महत व दुजः उमेशप्रकाश ढकालविरुद्ध भ्रष्टाचारया मुद्दा दर्ता याःगु खः ।

अख्तियारं व्यक्तिगत लाभ कयाः आयोगया पदाधिकारीपिंसं करदातालिसे खँ जक ल्हानागु आधारय् कर छुट बिउगु द्वपं बियातःगु खः । अदालतं भ्रष्टाचारया द्वपं लानाच्वंम्ह शर्मा तत्काल हे निर्दोष धयागु खनेमदुनिसां प्रतिवादी तत्काल बिसिउँ वनीगु वा प्रमाण नष्ट याइगु अवस्था मदुगु धासें धरौतीइ त्वःते फइगु फैसला न्यंकूगु खः ।

 

सम्बन्धित बुखँ

LEAVE YOUR COMMENTS