ने. सं. ११४४ कौलाथ्व षष्ठी -

धर्मकीर्ति विहारया संघवती गुरुमां मंत

येँ- थनया धर्मकीर्ति विहारय् च्वना बिज्याइम्ह संघवती गुरुमां म्हिगः मंत । वसपोल ८२ दँ दुम्ह खः । ताःई न्ह्यवंनिसें ल्वःमनीगु अल्जाइर ल्वचं कयाच्वंम्ह वसपोल पाल्पाय् जन्म जूम्ह खःसा वंगु ३७ दँ न्ह्यवंनिसें धम्मावती गुरुमांया शिष्य कथं धर्मकीर्ति विहारय् च्वनाबिज्याःम्ह खः । म्हिगः न्हिछि वसपोलया शवयात अन्तिम श्रद्धांजलिया लागिं धर्मकीर्ति विहारय् तःगु खःसा थौं न्हिनय् १२ बजे कर्ण दिपय् अन्तिम संस्कार याइगु ग्वसाः दु । योगाम्बर गुथिपाखें अन्तिम संस्कारया भाला क्वबिउगु खः ।