महानगरपालिकां ५० हजार मनूतय् एन्टिजेन परीक्षण याइगु

येँ – येँ महानगरपालिकां कन्हय्निसें न्यान्हुया दुने ५० हजार मनूतय् एन्टिजेन परीक्षण याइगुजूगु दु । इपिडिमियोलोजी तथा रोग नियन्त्रण महाशाखाया ग्वाहालिं जेठ १४ गतेनिसें थ्व परीक्षण जुइत्यंगु खः । थुकिया निंतिं न्हिं झिगू वडा केन्द्रपाखें नमूना संकलन यायेगु ज्या जुइसा न्यान्हुया दुने फुक्कं वडाया जोखिम थाय्या परीक्षण क्वचायेकी ।

महानगरपालिकाया जनस्वास्थ्य विभागका प्रमुख हरिबहादुर कुँवरं समुदायय् संक्रमण अनुसन्धान व शंकास्पद संक्रमणया अवस्था सीकेत थ्व परीक्षण यायेत्यनागु खँ धयादीगु दु ।

परीक्षणपाखें तुरुन्त रिपोर्ट वइसा पोजेटिभ खनेदुपिं विरामीया थप परीक्षण यानाः आइसोलेसनया माध्यमं समुदायपाखें बिस्कं तयेगु ज्या जुइ ।

न्हूगु भेरियन्टया कोभिड–१९ या संक्रमण अप्वयेवं महानगरं थ्व चक्र त्वाःथलेगु कुतः यानाच्वंगु दु । संक्रमण न्युनीकरण, रोकथाम व नियन्त्रणया निंतिं बैशाख १४ गतेया कार्यपालिकाया निर्णय व बैशाख २३ गते स्वास्थ्य विज्ञतलिसे जूगु सहलहया आधारय् वृहत एन्टिजेन परीक्षण यायेत्यंगु खः ।

परीक्षणया निंतिं वडाय् दुगु केस इन्भेष्टिगेसन एण्ड कन्ट््याक्ट टे«सिङ् (सीआइसीटी) पुचःयात सक्रिय याइसा आवश्यक जूसा थप जनशक्ति परिचालन याइ ।

सम्बन्धित बुखँ

LEAVE YOUR COMMENTS