अमेरिकाय् रञ्जना लिपिया मतकलः

येँ – संयुक्त अधिराज्य अमेरिकाया सियाटल शहरय् रञ्जना लिपि लगायत थीथी लिपिया मतकलः दयेकाः हलिंन्यंकं आणविक व मेमेगु हिंसाया शिकार जूपिं मनूतय्त लुमंकूगु दु । जापानया हिरोशिमा व नागासाकीइ बम कुर्कूगु न्हय्स्वदँ दुगु न्हि लाकाः सोमवाः सियाटलया ग्रीन लेक पार्कय् थुगु ज्याझ्वः जूगु खः ।

ज्याझ्वलय् नेपाःया रञ्जना लिपि, प्रचलित नेपाल लिपि व भुजिंम्वः लिपि अले जापानया खाञ्जी लिपिं थीथी खँग्वः च्वयाः मतकलः दयेकेगु ज्या जूगु खः । ज्याझ्वलय् नेपाल लिपि

च्वयेगु, स्यनेगु व लिपि बारे जानकारी बीगु ज्याया संयोजन सुभाषराम प्रजापतिं यानादीगु खः । ब्वति काःपिंसं विशेषतः रञ्जना लिपियात च्वछायाः थुगु लिपि स्यनेकने यायेगु कक्षा न्ह्याकेत इनाप नं याःगु खः । ज्याझ्वःया अन्तय् दक्वं मतकलःयात लिक्क च्वंगु तालया लखय् चुइकेगु ज्या जूगु खः ।