बागमति प्रदेश नामाकरण विरुद्ध नेवाः एकता दिवस

येँ – म्हिगः येँय् झिक्वःगु नेवाः एकता दिवस हनेज्या जुल । भूगोल पार्कं पिहां वःगु जुलुस बसन्तपुर, यतखा, नरदेवी, क्षत्रपाटी, थाय्मदु जुयाः असनय् छगू सभाय् हिउगु खः ।

सभाय् समाजवादी पार्टीया सहअध्यक्ष लिसें नेवाः न्ह्यलुवा राजेन्द्र श्रेष्ठ, नेपाः राष्ट्रिय पार्टीया अध्यक्ष विजय सैंजु, नेपाल कम्युनिष्ट पार्टीया केन्द्रीय दुजः दिलिप महर्जन व नेपाली कांग्रेसया केन्द्रीय नेता भिमसेनदास प्रधानपिंसं सम्बोधन यानादीगु खः ।

थीथी सांस्कृतिक बाजं सहित न्ह्याःगु र्‍यालीइ बागमति प्रदेश नामाकरणया विरोधय् नारा थ्वयेकूगु खः । बागमति प्रदेश विरुद्ध म्हीग थनया थाय्मदुइ छगू सिट्टी जुलुस नं पिहां वःगु खः ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु