न्हाय्कंया किचः थें जुइ ……. !

थौं । देय्या केन्द्रीय विषय प्रधानमन्त्रीया अस्वस्थताया जुयाच्वंगु दु । खतुं । प्रधानमन्त्रीया स्वास्थ्यया समस्या बारे इलय् व्यलय् चर्चा न्यने दइ । तर थुगु पटकय् अस्वस्थता अप्वः जटिल, गम्भिर जूगु खनेदु । व हे कारणं प्रधानमन्त्रीजुया सघन उपचार जुयाच्वंगु बुखँत वयाच्वंगु दु । प्रधानमन्त्री केपी ओली थौं मात्र केपी ओली जुइमखु ।

देय्या राज्यशक्तिया नायक प्रधनमन्त्री । उकिं केपी ओलीया अस्वस्थता मात्र छम्ह नेताया अस्वस्थता जक मखया बी । मुक्कं देय्, राज्यया सरकारी, राजनीतिक तहया नं सरोकारया चिन्ताया विषय जुयाबी । देय्या राज्यसत्ताया प्रमुख धइम्ह व्यक्ति जक जुइमखु, राष्ट्रिय व्यक्तित्व जुइ । वया अस्वस्थताय् सामान्य मानवीय स्वास्थ्य लाभया कामना जक व्यक्त यानां गाइ मखु ।

देय्या राजनीति, शासन व्यवस्थाय् उकिं छु लिच्वः लाकी उकिया नं उतिकं ल्याःचाः तयाच्वने माली । प्रधानमन्त्री केपी ओलीया अस्वस्थताय् थौं आम जनतां सुस्वास्थ्यया कामना याये माःगु राष्ट्रिय नैतिक दायित्व दु । दइ । उकी शंका मयाये । प्रधानमन्त्रीजुया स्वास्थ्यय् खने दइगु उतारचढाव, जटिलता वये फइगु, हइगु राजनीतिक सम्भावनाप्रति नं राजनीतिक वृत्तय् सरोकारवालत गाक्कं कौतुहल जुृइ ।

खने दइ । प्रधानमन्त्रीयात स्वास्थ्य रिपोर्टयात स्वास्थ्यया दृष्टिं जक आंकलन मयासे इपिं राजनीतिक जोड घटाउलय् दुनेत स्वइ । प्रधानमन्त्रीया उपचारया सन्दर्भय् सम्बन्धित अस्पतालं पीत बीगु स्वास्थ्य विज्ञप्ती नं गाक्कं राजनीतिक होशियारी खनेदइ । उपचारय् संलग्न चिकित्सकतसें प्रधानमन्त्रीया स्वास्थ्य स्थिति बारे माःगु छता निता खँ धयाः विस्तृत जानकारी प्रधानमन्त्रीया सल्लाहकारमार्फत सार्वजनिक याइ ।

भारतया प्रधानमन्त्री मोदीं प्रधानमन्त्री ओलीयात भारतय् उपचार यायेत इनाप याःगु दु । प्रधानमन्त्रीयात आः मेमेगु जःलाखःला राष्ट्र, मित्र राष्ट्रतसें नं उपचारया सुविधा बीगु बचं बियाः इनाप याइगु खःला ?

यानाच्वंगु नं खनेदइ । सघन उपचारय् निरन्तर चिकित्सकतय् निगरानीइ च्वनाच्वंम्ह प्रधानमन्त्री देय्या राज्य संचालनप्रति चिन्तित जुयाः न्ह्यसः तयाच्वनीगु खँ चिकित्सकतय्सं पित हः । ‘जितः कयाः पिने मनूतय्सं छु छु धाः ?’ प्रधानमन्त्रीं पिने सार्वजनिक रुपय् थःत गुकथं कयाच्वंगु दु धइगु जिज्ञासा मनय् लुइकाच्वंगु खँ नं न्यने दु ।

थुकिं स्पष्ट जुइ प्रधानमन्त्री ओली अस्पतालया सघन उपचारया श्ययाय् छम्ह रोगी खयाः नं वय्कः दुने थःगु पदीय दायित्व व राजनीतिक सरोकारप्रतिया चिउताः गुलि क्वातु । थ्व हे कारणं जुइगु वय्कःयाके थःगु गम्भिर ल्वय्लिसे सामना यायेगु मनोबल गाक्क सशक्त खनेदइ । अखबारय् ब्वने ।

भारतया प्रधानमन्त्री मोदीं प्रधानमन्त्री ओलीयात भारतय् उपचार यायेत इनाप याःगु दु । प्रधानमन्त्रीयात आः मेमेगु जःलाखःला राष्ट्र, मित्र राष्ट्रतसें नं उपचारया सुविधा बीगु बचं बियाः इनाप याइगु खःला ? प्रमजुया अस्वस्थतां देय् दुनेया राजनीतिक गणित जक सक्रिय जुइमखु, परराष्ट्र ख्यलय् नं थीथी देय्तय् कुटनैतिक सक्रियता खनेदइ ।

छगू इलय् प्रधानमन्त्रीजुया करोडौं ध्यबा फुकाः विदेशय् वनाः वसाः याकः वनी । देय्या धुकुतिइ लुट यात । आलोचना जुइ । खतुं देय्या प्रधानमन्त्रीयात उपचारया विशेष सुविधा दइ । तर थुगुसी प्रधानमन्त्रीया अनेक जटिल स्वास्थ्य समस्यात नेपाःया दुनेया अस्पतालय् हे समाधान यायेगु कुतः जुल ।

नेपाःया सम्बन्धित विशेषज्ञपिंसं प्रधानमन्त्रीया जँलास्येँया प्रत्यारोपण यायेगु पूर्ण सम्भावना नेपालय् दुगु खँ व्यक्त याःगु दु । देशय् दुने हे प्रधानमन्त्रीजुया उउपचार सम्भव जू धइगु विश्वास चिकित्सकतय्सं थनाच्वंगु दु । चिकित्सकतय् थज्याःगु दावीं प्रधानमन्त्रीजुयात विदेशय् यंकाः उपचार याके यंकेगु निर्णय जूसां व राजनीतिक दृष्टिं आलोच्य जुइफु ।

प्रधानमन्त्रीजुया विदेशय् स्वाथ्योपचार राजनीतिक टिका टिप्पणी विमुख मजुइगुलिं अनेक न्ह्यसःया चुनौति थ्वं फयेमाली । जटिल स्वास्थ्यवस्थाय् थ्यंकाः नं प्रधानमन्त्री कुर्सि मोहं ग्रस्त जुयाच्वंगु दु । कुंखिनीपिं नं उतिकं दु । छखेर चिकित्सकतयसं प्रधानमन्त्रीयात याःगु सफल उपचार व मेखेर प्रधानमन्त्रीया तसकं क्वातुगु इच्छाशक्तिं प्रधानमन्त्रीं स्वास्थ्य लाभ जरुर यानादी धइगु खँय् जनताय विश्वास लूगु दु ।

प्रमया कुशल स्वास्थ्य उपचारं नेपालय् नं तसकं हे दक्ष व योग्य चिकित्सकत दयेधुंकल प्रमाणित जुइ । तर थज्याःगु चिकित्सकतय् कुशल सेवा आम जनतां नं काये दयेमाः । विना भेदभाव । अले जक व आम जनस्तरया गौरवया खँ जुइ । मखुसा जनताया लागि व न्हाय्कंया किचः थें जक जुइ ।

सम्बन्धित बुखँ

LEAVE YOUR COMMENTS