गांगुली अध्यक्ष जुइगु

भारतीय क्रिकेटया पुलांम्ह कप्तान सौरभ गांगुली भारतीय क्रिकेट बोर्डया अध्यक्ष नियुक्त जुइगु निश्चित जूगु दु । बोर्डया कार्यवाहक अध्यक्ष सिके खन्नां सोमवाः गांगुलीयात बोर्डया अध्यक्ष जूगुलिं बधाई बिउगु दु । भारतीय क्रिकेट बोर्डया अध्यक्ष व मेमेपिं पदाधिकारया निंतिं उम्मेदवारी बिइगु अन्तिम ई सोमवाः तक जक दुगु खः ।

बोर्डया बैठक वइगु अक्टोवर २३ य् जुइत्यंगु दु, तर अध्यक्ष पदय् गांगुली बाहेक मेपिं सुयां उम्मेदवारी लाःगु मदु । अथे जूगुलिं गांगुली अध्यक्ष जुइगु पक्का जूगु खः ।

‘भारतीय क्रिकेटय् तसकं शक्तिशाली व स्रोतसाधन सम्पन्न दुगु बोर्डया अध्यक्षय् अनुभवी क्रिकेट कासामि सौरभ गांगुली ल्ययेगु धयागु गर्वया विषय खः’ खन्नां धाःगु दु । अथेहे ब्रिजेस पटेलयात आइपिएलया अध्यक्ष ल्यःगु दु । भारतीय केन्द्रीय गृहमन्त्री अमित शाहया काय अजय शाह धाःसा बोर्डया सदस्य सचिव जुइगु जूगु दु ।

एजेन्सी

च्वमिया मेमेगु

• युद्धया किचलय् इरान व इजरायल
• परमाणु हतियार सुयाके गुलि दु ?
• कोरोना भाइरस : छाय् यक्व ल्याय्म्हत संक्रमित जुयाच्वन ?
• बेलायत-चीन : व्यापार यायेगु कि विवाद
• बलिउड अभिनेताया आत्महत्यां ल्ह्वंगु मानसिक स्वास्थ्यया बहस