बार्सिलोनां लेगानेसयात बुकल

बार्सिलोना (एजेन्सी) – लियोनल मेसीया उत्कृष्ट लय कायम जुया च्वनेवं बार्सिलोनां स्पेनी ला लिगाय् मंगलवा: बहनि लेगानेसयात २-० बुकल । थ्व कासाय त्यायेवं लिगय् न्हापांगु थासय् लाना च्वंगु बार्सिलोनां रियल म्याड्रिडयात दबाब नं बिल । मेसीं पेनाल्टीं गोल या:गु ख: । थ्व सिजनया लिगय् मेसीं या:गु गोल ल्या: २६ थ्यंगु दु । लिपांगु च्यागु कासाय् वं न्ह्यगु गोल याना मेगु च्यागु गोललय् एसिस्ट नं या:गु दु । बार्सिलोनाया नितिं मेगु गोल अन्सु फातिं या:गु ख: । मंगलवा:या मेगु कासाय् भिल्ला रियलं रियल मार्लोकायात १-० बुकल धा:सा गेटाफे व इस्पनयोलदथुया कासा गोलरहित बराबरीइ क्वचाल ।

सम्बन्धित बुखँ

LEAVE YOUR COMMENTS