गुदँ लिपा शरद ऋतुय् सगरमाथाया च्वयेका थ्यंकेगु लक्ष्य

येँ – थुगुसी शरद ऋतुइ सगरमाथा गयेगु निंतिं निगू पुचःया झिम्हेसिनं अनुमति काःगु दु । सगरमाथा आरोहणया निंतिं थ्व मौसमय् अनुमति काःगु वंगु स्वदँ दुने न्हापांखुसी खः । वंगु निदँ तक म्हेसिनं अनुमति मकाःगु खँ पर्यटन विभागं धाःगु दु । स्वदँ लिपा शरद ऋतुइ सगरमाथा गयेगु निंतिं अनुमति काःगु छगू पुचलय् गुम्ह आरोही दुसा छगू पुचलय् छम्ह जक आरोही दु ।

शरद ऋतुयात सगरमाथा गयेगु तसकं थाकुगु ई कथं कयातःगु दु । सन् २०१० या अक्टोवरय् अमेरिकी आरोही एरिक लर्सेनं थ्व ऋतुइ सगरमाथा सफलपूर्वक गयेधुंकाः सुं नं थ्व मौसमय् सगरमाथा च्वय् थ्यंगु मदुनि । थ्व मौसमय् ओरोहण सफल जुइगु वा मजुइ धयागु आरोही व मौसमय् निर्भर जुइ ।

सन् २०१० या अक्टोवरय् अमेरिकी आरोही एरिक लर्सेनं थ्व ऋतुइ सगरमाथा सफलपूर्वक गयेधुंकाः सुं नं थ्व मौसमय् सगरमाथा च्वय् थ्यंगु मदुनि ।

सरकारं सगरमाथाय् गयेगु निंतिं ऋतु कथं हे रोयल्टी कायेगु यानाच्वंगु दु । विदेशी आरोहीतय्सं बसन्त ऋतुइ सगरमाथा गयेत ११ हजार अमेरिकी डलर रोयल्टी पुलेमाःसा शरद ऋतुइ ५ हजार ५०० डलर पूसा गाः । अथेहे गर्मी मोसमय् २ हजार ७५० अमेरिकी डलर पूसा गाः ।
थुगुसी शरद ऋतुइ मनास्लु हिमाल गयेगु निंतिं दकलय् अप्वः आरोहीतय्सं अनुमति काःगु दु ।

मनास्लुया निंतिं २७ गू पुचःया २६४ म्हेसिनं हिमाल गयेगु अनुमति काःगु खँ विभागं धाःगु दु । मनास्लु संसारया न्यागूगु व नेपाःया न्हय्गूगु दकलय् तजाःगु हिमाल खः । थुकिया उचाइ ८ हजार १५६ मिटर दु ।

अथेहे १ हजार ५१६ मिटर उचाइ लोत्सेया निंतिं निगू पुचःया झिंस्वम्ह व ७ हजार ८६१ मिटरया नुप्त्से गयेगु निंतिं छगू पुचःया च्याम्हेसिनं अनुमति काःगु दु । विभागया कथं ८ हजार २६७ मिटर उपचारया धवलागिरि हिमाल गयेत निगू समूहया ३० म्हेसिनं अनुमति काःगु दु ।