
नुवाकोट – नुवाकोटया खुसि अवैध रुपं फि लिकायेगु निंतिं छ्यलीगु स्काभेटरय् प्रहरीं सिखलं चिनाबिउगु दु । खुसिइ अवैधरुपं फि लिकाइगु स्काभेटरयात पनेत समस्या खनेदया वयेवं प्रहरीं थुगुसी निसें सिखलं चिनाः कारवाही न्ह्याकूगु खः । थ्व झ्वलय् आतकया दुने २१ गः स्काभेटरयात सिखलं चिनाः कारवाही यायेधुनागु खँ प्रहरीं धाःगु दु ।
नदीजन्य सामग्रीया व्यवस्थापन सम्बन्धी ‘जिल्ला अनुगमन तथा समन्वय समिति’या पुचलं याःगु स्थलगत अनुगमनया झ्वलय् व प्रहरीया निरीक्षणया झ्वलय् थुपिं स्काभेटरयात ज्वनागु खँ प्रहरी उपरीक्षक अविनारायण काफ्लें जानकारी बिउगु दु । वय्कःया कथं गन खन अन हे स्काभेटरयात सिखलं चिनाः तालं ग्वयाः ताःचाःयात जिल्ला समन्वय समितियात बुझे याःगु खः ।
वा वइगु इलय् त्रिशुली, तादी, लिखु, कोल्पु थेंज्याःगु खुसिइ अवैध रुपं फि लिकाइपिं सक्रिय जुयावःगुलिं नियन्त्रणया निंतिं प्रहरी व प्रशासनं थ्व दँय् निसें सिखलं चिनाः कडाइ याःगु खः ।
वा वइगु इलय् त्रिशुली, तादी, लिखु, कोल्पु थेंज्याःगु खुसिइ अवैध रुपं फि लिकाइपिं सक्रिय जुयावःगुलिं नियन्त्रणया निंतिं प्रहरी व प्रशासनं थ्व दँय् निसें सिखलं चिनाः कडाइ याःगु खः । प्रहरीं कारवाही न्ह्याकाच्वंसां अझं नियन्त्रण धाःसा प्रभावकारी रुपं न्ह्याः मवंगु स्थानीयतय्सं धाःगु दु ।
अवैध उत्खनन्यात पनेगु झ्वलय् कारवाहीलय् लाःगु स्काभेटरयात ५० हजार जरिवना पुइकेगु यानाच्वंगु दु । समितिया बैठकं न्हापांखुसीइ सिखलं चिनाः कारवाही जूगु स्काभेटरयात ५० हजार जरिवाना कायेगु निर्णय जूगु खँ समितिया अध्यक्ष व जिसस प्रमुख सन्तमान तामाङं धयादीगु दु ।
छुं छुं स्काभेटरतय्सं ताःफ्वः तछ्यानाः स्काभेटर लिकाःगुलिं उमित थप ५० हजार जरिवाना पुइकेगु खँ नं वय्कलं धयादीगु दु । अथेहे समितिं अवैध रुपं उत्खनन् यानाः पिकाःगु फि जफत यायेत नं स्थानीय तहयात निर्देशन बिउगु दु । त्रिशुलीया विदुर व बेलकोटगढी नगरपालिका, ताँदी, पञ्चकन्या, लिखु, किस्पाङ व तारकेश्वर गाउँपालिकायात थःथःपिनि क्षेत्रं अवैध उत्खनन् यानाः मुंकातःगु फि लिसें मेमेगु ज्वलं जफत यायेत पत्रचार यानागु खँ नं अध्यक्ष तामाङं धयादीगु दु ।
LEAVE YOUR COMMENTS