व्यवसाय शुरु यायेमाःगु माग

येँ (नेपालभाषा टाइम्स) – थँबहीया चान्हय् जुइगु व्यवसाय सञ्चालन जुइमाःगु माग यासें विरोध प्रदर्शन जूगु दु । कोरोना भाइरस संक्रमणया कारणं व्यवसाय ठप्प जूगु धासें चान्हय् जुइगु व्यवसाय पूर्ण रुपं चायेकेमाःगु माग यानाः उगु प्रदर्शन जूगु खः । थँबही पर्यटन विकास परषद्या अध्यक्ष प्रकाश नरसिंह राणां फुक्कं आधिकारीक निकाययात ज्ञापन पौ बीधुंकाः नं सरकारं चिउता मक्यंगु धासें व्यवसाय सञ्चालन यायेगु वातावरण दयेकेमाःगु खँ धयादीगु दु। व्यवसायीतय्सं थःपिनिगु व्यवसाय बन्द जुइधुंकाः थीथी कथंया समस्या ब्वलंगु धासें याकनं हे सरकारं व्यवसाय यायेत माःगु अवस्था ब्वलंकेमाःगु माग नं यानादीगु दु। वय्कलं धयादी, ‘व्यवसाय याये मखना आः व्यवसायी ल्वचं मखु, द्यां लानाः सीमाःगु अवस्था वयेफु । समस्यायात कयाः सरकारं याकनं सम्बोधन मयात धाःसा आन्दोलन जारी जुइ ।’

सम्बन्धित बुखँ

LEAVE YOUR COMMENTS