सनराईज बैंकया क्यालेन्डरय् मस्तय् चित्र

येँ – सनराइज बैंकं १ निसें ५ तगिं तकया विद्यार्थीतय्सं च्वःगु चित्र तयाः वि.सं. २०७६ या क्यालेन्डर पिथँगु दु । राष्ट्रिय दैनिकत अन्नपूर्ण पोष्ट व नागरिक पत्रिकाय् पिहांवःगु किपात मध्ये झिंस्वपाः किपा ल्ययाः क्यालेण्डर पिथँगु खः ।

बैंकया मू ज्याकुथिइ वंगु विहीवाः बैंकया अध्यक्ष, संचालक व प्रमुख कार्यकारी अधिकृतं मंकाः कथं क्यालेण्डरया विमोचन यानादीगु खः । विमोचनय् न्ववासें प्रमुख कार्यकारी अधिकृत रत्नराज वज्राचार्यं मस्तय् प्रतिभायात कदर यायेगु बैंकया आज्जु कथं क्यालेण्डरय् मस्तय् चित्र दुथ्याकागु खँ कनादिल । क्यालेन्डरय् दुथ्याःगु चित्र च्वःपिं विद्यार्थीपिंत बैंकपाखें नगद व उपहार नं लःल्हाःगु खः ।