वडा अध्यक्षया हस्ताक्षर खूम्ह ज्वन

येँ – येँ महानगरपालिका वडा नं. १६ या वडाध्यक्ष मुकुन्द रिजालया फर्जी हस्ताक्षर याःगु द्वपनय् प्रहरीं छम्हेसित ज्वंगु दु । ज्वंम्ह बालाजुस्थित अटोपार्टसया कर्मचारी रवीन खत्री जूगु खँ प्रहरीं धाःगु दु । आर्थिक दँया लिपांगु न्हि कुन्हु व्यवसाय नवीकरण यायेगु प्रयोजनया निंतिं वडाध्यक्ष रिजालया हस्ताक्षर यानाः वडाय् फाइल पेश याःगु लुइवं प्रहरीं खत्रीयात ज्वंगु खः ।

वडाध्यक्ष रिजालं दर्ता शाखाय् थःगु हे हस्ताक्षर यानाः फाइल पेश याःगु लुइवं प्रहरीयात सःताः जिम्मा बिउगु खः ।महानगरीय प्रहरी वृत्त सोह्रखुट्टेय् हिरासतय् तयाः खत्रीया बारे थप अनुसन्धान जुयाच्वंगु दु । कार्कीं अटो पार्टसया मालिक टेकबहादुर रायमाझीया निर्देशनय् थम्हं फाइल वडाय हयागु स्वीकार यासें हस्ताक्षर बारे थम्हं मसिउगु खँ प्रहरीयात बयान बीगु झ्वलय् धाःगु दु ।

वडाध्यक्ष रिजालं धयादी, ‘वय्कलं क्लोजिङया निंतिं फाइल दर्ता शाखाय् पेश यात, जिगु स्टाफं नक्कली हस्ताक्षर जूगु आशंकाय् जिथाय् फाइल हल, लिपा हस्ताक्षर नक्कली हे जूगु लुइधुंकाः प्रहरी सःताः जिम्मा बियागु खः ।’

 

सम्बन्धित बुखँ

LEAVE YOUR COMMENTS