भवन बारे सेनाया लिसः

येँ – थनया महाकाद्यःया न्ह्यःने नेपाली सेनां दयेकाच्वंगु मिलटरी अस्पतालया भवन निर्माण सम्बन्धी भ्वं सैनिक दस्तावेज जूगुलिं सुरक्षा गोपनीयताया ल्याखं पित बी मछिं धाःगु दु । सर्वसाधारणपाखें स्थानीय मनिष कुमार श्रेष्ठं सूचनाया हक प्रयोग यासें थुकिया लिसः फ्वंगुली सैनिक जनसम्पर्क तथा सूचना निर्देशनालयया निर्देशक सहायक रथी गोकुल भण्डारीं थ्व लिसः बियाहःगु खः ।

थ्व भवन दुगु जग्गाया लालपूर्जाया खँ नं सैनिक दस्तावेज जूगुलिं पित बी मछिं धाःगु दु । थ्व भवन दयेकेत नगरपालिकाय् नक्सा पास यानागु दु लाकि व उकिया राजश्व पुलागु दु लाकि मदु धकाः न्यंगु न्ह्यसःया लिसः धाःसा सेनां मबिउ । थ्व भवन आयमूलक ज्याय् छ्यलेगु लिसें अन स्वास्थ्य सेवा नं बीगु खःसां गज्याःगु सेवा बीगु धइगु खँय् अझ नं सहलह न्ह्यानाच्वंगु खँ नं निर्देशनालयं धाःगु दु ।

सम्बन्धित बुखँ

LEAVE YOUR COMMENTS