गौतमविरुद्ध अन्तरिम आदेश

येँ (नेपालभाषा टाइम्स) – सर्वोच्च अदालतं नकतिनि राष्ट्रियसभा दुजलय् नियुक्त जूगु नेकपाया उपाध्यक्ष वामदेव गौतमयात गुगुं नं कथंया संवैधानिक जिम्मेवारी मबित अन्तरिम आदेश जारी याःगु दु। म्हिगः न्यायाधीश डा. आनन्दमोहन भट्टराईया एकल इजलासं रिट निवेदक व विपक्षी सरकारयात अन्तरिम आदेशया लागि असोज १४ गते सहलह यायेत सःतुसें उगु ई तक गौतमयात गुगुं नं संवैधानिक जिम्मेवारी मबित अन्तरिम आदेश जारी याःगु खः ।

सर्वोच्चया थुगु आदेश लिपा गौतमयात सरकारं मन्त्री नियुक्ति यायेगु लिसे मेगु संवैधानिक जिम्मेवारी बीदइ मखु। सर्वोच्चया आदेशय् धयातःगु दु, ‘विषयवस्तुया गाम्भीर्य लिसे संवैधानिक महत्वयात दृष्टिगत यानाः न्ह्यानाच्वंगु विवादय् अन्तरिम आदेश जारी जुइ वा मजुइ धइगु विषय क्वःमजिउतले थ्व विषययात यथास्थितिइ तयेमाःगु आवश्यक खनेदुगुलिं विपक्षी नम्बर ५ (वामदेव गौतम) या हकय् थप संवैधानिक जिम्मेवारी बीगु, कायेगु ज्या मयाकेत व मयायेत सर्वोच्च अदालत नियमावली २०७४ या नियम ४९(२)ख बमोजिम विपक्ष्गीया नामय् थ्व अन्तरिम आदेश जारी यानागु दु ।’

सम्बन्धित बुखँ

LEAVE YOUR COMMENTS