स्टडी ग्रुपं ‘जब रेडी’ कार्यक्रम हइगु

येँ -अन्तर्राष्ट्रिय शिक्षा प्रदायक संस्था स्टडी ग्रुपं अमेरिका व बेलायतया थीथी विश्वविद्यालयय् ब्वनाच्वंपिं नेपाःमि विद्यार्थीतय्त उमिगु करियर दयेकेत ग्वाहालि यायेगु कथं ‘जब रेडी प्रोग्राम’ हःगु दु । थ्व प्रोग्राम विशेष यानाः नेपाःमि विद्यार्थीतय्त भविष्यय् सहज रुपं ज्या चूलाकेगु अवसर दयेकेत की ट्रान्सफर्रेबल स्कील सयेकेत ग्वाहालि जुइ कथं डिजाइन यानातःगु खँ धाःगु दु । थुकिं यानाः उमित आखः ब्वब्वं कमे यायेगु अवसर नं चूलाकेगु लिसें ब्वने सिधयेधुंकाः अन्तर्राष्ट्रिय कम्पनीइ ज्या चूलाकेत सक्षम यानाबीगु खँ धाःगु दु ।

स्टडी ग्रुपं युके इन्टरनेशलन स्टडी सेन्टर वा युएस इन्टरनेशनल कलेजपाखें प्रक्रिया न्ह्याकूपिं सकलें विद्यार्थीतय्गु फुक्कं सेवा शुल्क ब्यहोरे याइ । थुकिया लिसें स्टडी गु्रपया विद्यार्थीतय्सं शैक्षिक सामग्रीया लिसें सीभी च्वयेगु, प्रोफाइल प्रेजेन्टेशनया निंतिं नं ग्वाहालि चूलाकयेफइ धाःगु दु । अथेहे इन्टरभ्यु कोचिङ, मक इन्टरभ्युपाखें नं लाभ कायेफइ । थ्व कार्यक्रम क्वचायेधुंकाः विद्यार्थीतय्त सम्भावित रोजगारदातालिसे स्वंगू तक इन्टरभ्यु सेक्युर यायेत माःगु ग्वाहालि चूलाइ धाःगु दु ।

स्टडी ग्रुपया थ्व रोजगारी कार्यक्रमय् ‘प्रिपेयर फर सक्सेस’, ‘जब रेडी’, ‘भर्चुअल इन्टर्नशीप’ थेंज्याःगु कार्यक्रम दुथ्याः धाःगु दु ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन