फुकेतय् पर्यटन प्रवद्र्धन

येँ – थाइल्यान्डया लोकंह्वाःगु पर्यटकीय स्थल फुकेटय् शुक्रवाः नेपाः पाखें पर्यटन प्रवद्र्धनया ज्याझ्वः याःगु दु । बैंककय् च्वंगु नेपाली दूतावासं फुकेतय् च्वंगु नेपाली अवैतनिक वाणिज्य दूत व गैरआवासीय नेपाली संघया ग्वाहालिं नेपाःया संस्कृति व पर्यटन प्रवद्र्धनय् ग्वाहालि जुइ कथं प्रवद्र्धनात्मक ज्याझ्वः याःगु खः ।

ज्याझ्वलय् न्ववानादिसें नेपाःया राजदूत गणेश ढकालं नेपाः व थाइल्यान्ड दथुइ द्विपक्षीय ग्वाहालिया अथाह सम्भावना दुगु खँ न्ह्यथँसें पर्यटन व लगानीया निंतिं नेपाः आकर्षक गन्तव्य कथं विकास जुइधुंकूगु खँ धयादिल । ऊर्जा, भौतिक पूर्वाधार, पर्यटन, कृषि, खानी व खनिजजन्य उद्योगय् प्रविधि हस्तान्तण लिसे लगानी यायेत थाइ उद्यमी व्यापारीतय्त राजदूत ढकालं इनाप यानादीगु खः ।

अथेहे थाइ विमान कम्पनीयात धार्मिक पर्यटन प्रवद्र्धनय् न्ह्याः वनेत सुझाव बियादिसें वय्कलं याकनं संचालनय् वयेत्यंगु गौतमबुद्ध अन्तर्राष्ट्रिय विमानस्थलय् तप्यंक हवाइ स्वापू कायम यायेत नं इनाप यानादिल ।ज्याझ्वलय् अवैतनिक वाणिज्यदूत प्रनी साकुलपिपातानां नेपाःया पर्यटकीय गन्तव्य बारे प्रचासर प्रसार यायेत थाइ पर्यटन व्यवसायीतय्त इनाप यानादीगु खः ।

थाइल्यान्डया उच्च सरकारी अधिकारी, उद्यमी, लगानीकर्ता, पर्यटन व्यवसायी व सञ्चारकर्मीतय् उपस्थिति दुगु ज्याझ्वलय् नेपाःया मौलिक कला संस्कृति न्ह्यब्वयेगु थीथी सांस्कृतिक ज्याझ्वः न्ह्यब्वःगु खः।

सम्बन्धित बुखँ

LEAVE YOUR COMMENTS