पेनाल्टिइ उरुग्वे असफल

स्टार कासामि लुइस स्वारेजया पेनाल्टि असफल जुइवं उरुग्वे कोपा अमेरिका धेंधेंबल्लाखं पिने लाःगु दु । म्हिगः सुथय् जूगु क्वार्टरफाइनल कासाय् स्वारेजं गोल याये मफयेवं उरुग्वेयात पेरुं पेनाल्टि सुटआउटय् बुकूगु खः ।

स्वारेजं नियमित इलय् हे छगू गोल याःगु खः, तर रेफ्री उगु गोलयात अफसाइड बीवं नियमित ई व थप इलय् निगुलिं टिमपाखें छगू नं गोल मजुइवं कासा पेनाल्टि सुटआउटय् वंगु खः । पेनाल्टिय् झिंन्याक्वः तकया कोपा अमेरिका विजेता उरुग्वे ४–५ गोलं बूगु खः ।पेरुं आः चिललिसे सेमिफाइनल कासा म्हिती । थ्वयां न्ह्यः ग्वसाः देय् ब्राजिल व अर्जेन्टिना दथुइ बुधवाः न्हापांगु सेमिफाइनल कासा जुइ ।

सम्बन्धित बुखँ

LEAVE YOUR COMMENTS