प्रतिनिधिसभा नियमावलीविरुद्ध कांग्रेस अदालतय्
येँ (नेपालभाषा टाइम्स) – नेपाली कांग्रेसं प्रतिनिधिसभा नियमावली विरुद्ध सर्वोच्च अदालतय् रिट तःगु दु । प्रतिनिधिसभा संसदीय दलया उपनेता अभिषेकप्रताप शाह व राष्ट्रियसभाया सचेतक पदम परियारं थ्व रिट तःगु खः । सर्वोच्च अदालतय् पेश जूगु रिट अध्ययन जुयाच्वंगु खँ सर्वोच्च अदालतया प्रवक्ता अर्जुनप्रसाद कोइरालां कनादीगु दु । प्रतिनिधिसभा नियमावलीइ दुगु संविधान संशोधन व विशेषाधिकारया रुपय् लागू जुइगु व्यवस्था गैरसंवैधानिक जूगु दाबी सहित रिट तःगु खः । नियमावलीइ दुगु दफा २४७ य् स्वदँ स्वयां अप्वः कैद सजाय जूगु लिसें नैतिक पतन जुइगु फौजदारी कसुरय् अभियोग फयाः थुनाय् च्वनाच्वंम्ह सांसदयात जक निलम्बन याये दइगु व्यवस्थायात कयाः नं कांग्रेसं न्ह्यसः थंगु दु । वंगु जेठ २१ गते प्रतिनिधिसभां नियमावली पारित जुइधुंकूगु दु ।
LEAVE YOUR COMMENTS