ने. सं. ११४६ अनलाथ्व नवमी -

पिएजीया निंतिं एम्बाप्पेया कीर्तिमानि गोल

एजेन्सी- फ्रान्सेली फुटबल कासामि किलियन एम्बाप्पें थः म्हिता वयाच्वंगु क्लबया निंतिं दकलय् अप्वः गोल यानाः कीर्तिमान तःगु दु ।

एम्बाप्पें शनिवाः नेन्टसविरुद्ध जूगु कासाय् अन्तिम इलय् गोल यासें थ्व कीर्तिमान तःगु खः । पिएसजीया निंतिं फुक्क कथंया धेंधेंबल्लाखय् यानाः एम्बाप्पें याःगु थ्व २०१ औं गोल खः । थ्वयां न्ह्यः २०० गोल यानाः थ्व कीर्तिमान एडिन्सन काभानीं तयातःगु खः ।

एम्बाप्पें २०१७ निसें पिएसजीं म्हिता वयाच्वंगु खः । एम्बाप्पे मोनाकों लोनय् पिएसजीइ वःगु खः । थ्व क्लब पाखें एम्बाप्पें प्यंगू फ्रेञ्ज लिग त्याकेधुंकूगु दु च्याम्पियन्स लिग उपाधी धाःसा आःतक त्याकेफुगु मदुनि ।