‘मेसी, रोनाल्डों नं म्यानचेस्टर युनाइटेडयात बचे यायेफइमखु’

थौंकन्हय्या सुपरस्टारपिं लियोनल मेसी, क्रिस्टियानो रोनाल्डो, गारेथ बेल वा सर्जियो रामोस थेंज्याःपिं सुं छम्हेसित टिमय् हयेवं तुं म्यानचेस्टर युनाइटेडया समस्या ज्यंके मफइगु खँ धाःगु दु । म्यानचेस्टरया पुलांम्ह कप्तान वाइने रोनीं थ्व खँ धाःगु खः । थौंकन्हय् अमेरिकाय् डिसी युनाइटेडपाखें एमएलएस म्हिताच्वंम्ह रोनीं वइगु सिजनय् प्रशिक्षक वले गनर साल्स्क्जरया टिमं प्र्रिमियर लिग उपाधिया निंतिं धेंधेंबल्लाः यायेफइगु खँय् नं थःत विश्वास मदुगु खँ धाःगु दु ।

‘दकलय् न्हापां ला वलें थःगु टिमयात नं बल्लाके माःगु दु । छम्ह निम्ह स्टार कासामितय्त करोड पाउण्ड पुला हयेवं तुं टिमयात ग्वाहालि जुइ थें जितः मताः’ ३३ दँया इंग्ल्यान्डया पुलांम्ह कप्तान रोनीं धाःगु दु ।

बिबिसी रेडियो ५ लिसे खँ ल्हासें बरु ओलें ३०–४० मिलियन पाउण्ड खर्च यानाः सम्भावना दुपिं थप कासामि हयेमाःगु सल्हा बिसें रोनीं धाःगु दु, ‘रोनाल्डो, मेसी, रोमास वा बेल थेंज्याःपिं कासामि हयेबलय् ३५० मिलियन पाउण्ड खर्च जुइ, तर उपिं निदँया निंतिं जक ज्या वइ । उकिया पलेसा बरु म्हो खर्च यानाः सम्भावना दुपिं ल्याय्म्ह कासामि हयेमाः ।’

 

सम्बन्धित बुखँ

LEAVE YOUR COMMENTS