बर्लिन डर्बी हर्था त्यात

बर्लिन (एजेन्सी) – हर्था बर्लिनं थ:गु खालि ७४ द्व स्वकुमि क्षमताया ओलम्पिक रंगशालाय् शुक्रवा: बहनि युनियन बर्लिनयात ४-० बुकूगु दु । थ्व जितनापं हर्था लिग धलखय् थ:गु स्थिति सुदृढ याना झिगूगु थासय् थ्यंगु दु । कोरोना भाइरस संक्रमणका कारणं स्थगित जुयाच्वंगु बुंडेसलिगा हाकनं न्ह्याय् धुंका: जूगु थ्व निगूगु वा:या न्हापांगु कासा ख: । हर्थाया नितिं निगूगु हाफय् भेडाड इबिसेभिच, डोडी लुेबाकिओ, म्याथस कुन्हा व डेडरेक बोयाटां गोल यात । थुपिं प्यंगुलिं गोल २६ मिनेटया अन्तरय् सम्भव जूगु ख: । थ्वयां न्ह्य: जूगु थुगुसीया न्हापांगु बर्लिन डर्बीइ युनियन विवादास्पद ढंग छगू गोल त्या:गु ख: । आ: हर्थां थुकिया बदला नं का:गु दु ।