ने. सं. ११४६ अनलाथ्व पुन्हि -

ठेकेदारत नं आन्दोलनय् वइगु

येँ – नेपाल निर्माण व्यवसायी महासंघं सार्वजनिक खरिद नियमावली संशोधन मजुल धाःसा न्हूगु ठेक्का मकायेगु घोषणा याःगु दु । सरकारं नकतिनि जारी याःगु सार्वजनिक खरिद (छैठौं संशोधन) नियमावली २०७५ या छुं बुँदा प्रति महासंघं आपत्ति प्वंकुसें आः गुगुं नं कथंया न्हूगु सरकारी ठेक्का मकायेगु निर्णय याःगु खः ।

महासंघं सार्वजनिक खरिद नियमावली २०७५ या छुं प्रावधानं देय्या समग्र अर्थतन्त्रयात हे धरासायी याइ धासें संशोधन वा खारेज यायेत माग याःगु खः ।महासंघं छवाःया दुने माग पूमवन धाःसा देय्न्यंकं आन्दोलन यायेगु ख्याच्वः नं बिउगु दु ।

माग पूवंकेगु निंतिं दबाब बीत जेठ ८ गते महासंघं संघीय सरकार अन्तर्गतया सम्बन्धित निकायसं न्हय्गुलिं प्रदेशया सरकारयात व ७७ गू जिल्ला संघं जिल्ला प्रशासन ज्याकुथी ज्ञापन पौ बीगु तयारी याःगु दु ।