किरात याक्थुम चुम्लुङया स्थापना दिवसय् कला ब्वज्या
यल (नेपालभाषा टाइम्स)÷ किरात याक्थुम चुम्लुङको ३६ क्वःगु स्थापना दिवस वंगु भदौ १३ निसें १७ गते तक आदिवासी प्रतिरोध, भविष्य अले मुक्कुम्लुङ विषयक कला ब्वज्या यानाः चुम्लुङ हिमय् हंगु दु । स्थापना दिवस ‘नो कोशी, नो केबलकार’ या नारा बियाः न्ह्याकूगु खः । ज्याझ्वलय् चित्रकला, भिडियो÷अडियो, डिजिटल, प्रतिस्थापन कला ब्वःगु खः ।
न्हापांगु न्हिकुन्हु नेपाल प्रज्ञा प्रतिस्ठानया कुलपति भुपाल राईं ज्याझ्वःया उलेज्या यानादीगु खः । वकुन्हु कियाचु साम्केलो केवाफुङ्वा चुम्लुङ गीतकार पुरस्कारं प्रेम पन्धाक, कियाचु साम्केलो केवाफुङ्वा चुम्लुङ सङ्गीत पुरस्कारं यासेली योङहाङ व कियाचु साम्केलो केवाफुङ्वा गायन पुरस्कारं भगत सुब्बायात बिउगु खः । । ज्याझ्वलय् ‘नो कोशी, मुक्कुम्लुङमा नो केबुलकार’या बिषयय् चित्रकला, भिडियो कला, प्रतिस्थापन कला ब्वःगु खः ।
निन्हुया न्हि कुन्हु ‘नो कोशी, नो केबुलकार’ या अभियन्तातय्सं प्रकृति व संस्कृति विरोधीतय् बिरोधय् याक्थुम्बा लिम्बुत सहिद लाजेहाङ जुइत तयार जूगु उद्घोष याःगु खः ।
स्वन्हुया न्हिकुन्हु मुक्कुमलुङय् ‘नो केबुलकारया उद्घोष यानाः कलाय् आदिबासी प्रतिरोध बिषयक सहलहय् किरण सिगु, कैलाश राई, मेख लिम्बु, सारा टुनिच कोईच, सुबास तामाङपिंसं आन्दोलन व कलाया बारे न्ववानादीगु खः । समापन ज्याझ्वलय् बैरागी काईलां कलाकारपिंत मतिनाया चिं लःल्हानादीगु खः । ब्वज्याय् कलाकारपिं आस्था चेम्जोङ, आयुशा आङथुपो, अम्शाद सुनुवार, भद्रगोल किराती, बिजय लावती, बिनोद लिम्बु, बिशाल लिम्बु, दिक्षा चाम्लिझ राई, कला लिम्बु, किरण सिगु, लवकान्त चौधरी, मनरा प्रजापति, मेख लिम्बु, पुजन लिम्बु, सम्राटहांग पालुङवा, संजोष राई, सपना नेपाली, सारा तुनीच कोंइच, सोनाम चामलिङ्ग राई, सुवास तामाङ्ग, सुवाश थेवे लिम्बुं ब्वति कयादीगु खः ।
ज्याझ्वः किरात याक्थुंगु चुम्लुंगं ग्वसाः ग्वःगु खः । न्यान्हु तक न्ह्याःगु ब्वज्याय् देश विदेशं द्वलंद्वः दर्शकं अवलोकन याःगु खः ।
LEAVE YOUR COMMENTS