
ताप्लेजुङ – ताप्लेजुङय् लाःगु तमोर खुसिया लःपाखें ७३ मेगावाटा मत उत्पादन यायेगु लक्ष्य तयातःगु मध्यतमोर जलविद्युत आयोजनाया दयेके ज्या तीव्रगतिं न्ह्यानाच्वंगु दु । आयोजनाया मू प्रवद्र्धक सानीमा हाइड्रो एण्ड इन्जिनियरिङ्ग प्रा.लिया कथं सन् २०२२ तकया दुने दयेके ज्या क्वचायेकेगु लक्ष्य तयातःगु थ्व आयोजना दयेके ज्या लत्या न्ह्यवनिसें सुरु जूगु खः ।
दयेके ज्या सुरु जूगु नकतिनि लत्या जक दुसां २७७ मिटर ताःहाकःगु इन्सफेक्सन सुरुङ्ग मार्ग मध्ये १६० मिटर सुरुङ्ग मार्ग दयेके क्वचायेधुंकूगु दुसा ३०२ मिटर अडिट सुरुङ्गमार्ग मध्ये २८० मिटर दयेके ज्या क्वचायेधुंकूगु दु । आः आयोजनाया हेडवक्र्सया निंतिं आवश्यक संरचना दयेकेगु ज्या जुयाच्वंगु खँ धाःगु दु ।
थ्वा आयोजना फुङलिङ नगरपालिकाय् लाःगु हाङ्देवा व फुरुम्बुया क्वय्या क्षेत्रय् लागु मत्लिुङ्गय् दयेकाच्वंगु दु । चिनिया निर्माण कम्पनी झिझोङ फस्ट हाइड्रोयात आयोजनाया मू संरचना दयेकेगु ठेक्का बियातःगु दु । थ्व आयोजना नेपाली इन्जिनियरतय्सं डिजाइन याःगु व निजी ख्यलं दयेकेत्यंगु तःधंगु आयोजना मध्ये छगू खः ।
मुक्कं १२ अर्ब बराबरया लागत दइगु थ्व आयोजनाय् २५ प्रतिशत स्वलगानी व ७५ प्रतिशत नेपाःया थीथी न्हय्गू बैंकतय्सं लगानी यानाच्वंगु दु । थ्व आयोजनां उत्पादन याइगु मत मैवाखोला गाउँपालिकाया ढुङ्गेसाँघुइ दयेकीगु सवस्टेशनपाखें राष्ट्रिय प्रशारण लाइनय् स्वाइ ।
LEAVE YOUR COMMENTS