धर्मादित्य धर्माचार्य बुन्हि हन
यल – प्यक्वःगु मातृभाषा पत्रकारिता दिवस व न्हापांम्ह मातृभाषा पत्रकार धमादित्य धर्माचार्यया बुदिं वंगु शुक्रवाः हन । नेवाः पत्रकार राष्ट्रिय दबू व मां भाय् पुचः यलया मंकाः ग्वसालय जूगु उगु ज्याझ्वलय् मूपाहां यल मनपाया मेयर चिरिबाबु महर्जन, मांभाय् पुचःया नायः हेरारत्न शाक्य, नेपाल पत्रकार महासंघया उपाध्यक्ष दिलीप थापामगर, आदिवासी जनजाति पत्रकार महासंघया नायः डण्ड गुरूङ, मधेसी पत्रकार समाजया नायः मोहन सिह, धर्मादित्य धर्माचार्यया भौ मय्जु बेखालक्ष्मी नेवाःपिं झाःगु खः । ज्याझ्वः दबूया नायः श्रीकृष्ण महर्जनया सभापतित्वय् जूगु खःसा न्वकु सुरजवीर बज्राचार्यं लसकुस यानादीगु खः ।
LEAVE YOUR COMMENTS