कन्हय् वंघलय् नेवाः सभा

येँ -प्रदेश ३ यात बागमति प्रदेश नामाकरण यायेधुंकाः हाकनं न्हूकथं शुरु जुइत्यंगु नेवाः आन्दोलनया न्हापांगु ज्याझ्वः कथं कन्हय् थनया वंघलय् तःधंगु सभा जुइत्यंगु दु । कन्हय् शहीद दिवसया लसताय् लाकाः राज्यं शहीदया म्हगस पूमवंकूगु धासें थ्व सभा यायेत्यंगु दु । राणा शासन विरुद्ध संघर्ष यानादीम्ह शहीद शुक्रराज शास्त्रीं वंघलय् हे सभा यासें आन्दोलन शुरु यानादीगु खः । वंघलय् वय्कःया भाषण न्यनाः उकिं प्रभावित जुयाः गंगालाल श्रेष्ठ थेंज्याःपिं ल्याय्म्हत नं क्रान्तिइ सहभागी जूवःगु खः । २००७ साल क्रान्तिया न्हापांम्ह शहीद लिसें नेपालभाषाया न्हापांम्ह
कोशकार शुक्रराज शास्त्रीं क्रान्ति शुरु याःगु थाय् वंघलय् हे नेवाःतय्सं सांकेतिक रुपं कन्हय् सभा यायेत्यंगु खः ।

सम्बन्धित बुखँ

LEAVE YOUR COMMENTS