नांगा बाबाजीतय्त मुद्दा दायर

येँ – दँय्दसं सिलाचः¥हेया झ्वलय् पशुपतिइ वइपिं नांगा बाबाजीतय्सं धार्मिक क्षेत्रय् अश्लीलता न्यंकेगु ज्या यात धासें उपिं विरुद्ध सर्वोच्च अदालतय् रिट दायर याःगु दु ।अधिवक्ता यज्ञमूर्ति न्यौपानें मन्त्रिपरिषद्या ज्याकू, गृह मन्त्रालय, संस्कृति मन्त्रालय, पशुपति क्षेत्र विकास कोषयात विपक्षी दयेकाः उगु रिट दायर यानादीगु खः । पशुपतिइ वइपिं थ्व नांगा बाबाजीत स्वयेगु लागिं आपालं मनूत मुनीगु खःसां मिसापिं भक्तजन धाःसा मछालाः तापाक वने मालीगु खः ।

नांगा बाबात फागुन एकादशीनिसें पशुपतिइ दुहां वने दइसा आमै लिपा उपिं पशुपतिइ च्वने दइ मखु । उपिं देगलय् दुहां वनीबलय् व पिहां वइबलय् वसः फिनाः हे वयेमाःगु नियम दुगु खँ कोषया पुलांम्ह सदस्य सचिव डा. गोविन्द टण्डनं कनादीगु दु । न्हापा न्हापा थुमित धुँ व चितुवाया छ्यंगू लिसें गजि, चरेस आदि कोषं उपहार बीगु खःसां लिपा थ्व बन्द याना बिल । पशुपति महाद्यः नं छम्ह नांगा बाबा हे माने यासें थुपिं दँय् छक्वः थः आराध्यदेवया दर्शन यायेत पशुपतिइ वइगु खः ।