स्वांया पुन्हि कुन्हु छेँय् छेँय् दीप प्रज्वलन यायेत प्रधानमन्त्रीया आह्वान

येँ – सरकारं स्वांया पुन्हिया लसताय् छेँय् छेँय् मत च्याकाः दीपावली यायेत आह्वान याःगु दु । संस्कृति, पर्यटन व नागरिक उड्डयन मन्त्री योगेश भट्टराईं वैशाख २५ गते स्वांया पुन्हि कुन्हु दीपावली यायेत प्रधानमन्त्री केपी ओलीं आह्वान याःगु खँ धयादीगु दु ।

लकडाउनया कारणं स्वांया पुन्हि तःजिक हनेमफइगु जूगुलिं व कोरोना भाइरस विरुद्ध फ्रन्टलाइनय् च्वनाः ज्या यानाच्वंपिं स्वास्थ्यकर्मी व सुरक्षाकर्मीतय् सम्मानय् छेँय् छेँय् मत च्याकाः दीपावली यायेत आह्वान याःगु खँ मन्त्री भट्टराई कनादीगु दु ।