‘इन्द्रायणी’ या लसता ज्याझ्वः

येँ (नेपालभाषा टाइम्स)÷ नेपालभाषाया चीहा संकिपा ‘इन्द्रायणीं’ स्वंगू थीथी सिरपाः त्याकेत ताःलाःगु लसताय् म्हिगः थुकिया कलाकारपिनि हनाय् छगू ज्याझ्वः जुल ।
संकिपाया निर्माता नरेशवीर शाक्यया ब्वनाय् जूगु उगु ज्याझ्वलय् निर्देशक दर्शनवीर शाक्यं कलाकार व प्राविधिकपिंत हनादीगु खः । ज्याझ्वलय् सहायक निर्देशक राजन शाही लिसें मू नकिं आराध्यलक्ष्मी खड्गी, कलाकार रुपेन श्रेष्ठ, छायांकार सम्पादक मनोजरत्न शाहीपिंसं थःपिनि अनुभव कनादीगु खः ।
थुगु संकिपां आः तक नेपालभाषा चीहाः संकिपा अवार्ड, नेपाल कल्चरल इन्टरनेशनल फिल्म फेस्टिवल अवार्ड लिसें स्पाइनी बाबलर इन्टरनेशनल फिल्म फेस्टिवल अवार्ड त्याकेधुंकूगु दु ।