शेयर बजाः न्यान्हुया दुने ४३ अंकं थहांवना

येँ –  न्यान्हु न्ह्यवनिसें थहां वनाच्वंगु शेयर बजाः न्यान्हुया दुने ४३ अंकं थहां वंगु दु । सोमवाः जक बजाः १४.२८ अंकं थहां वनाः ११४२।९३ अंकय् थ्यंगु दु ।बैंकया ब्याजदर म्हो जुइगु सम्भावना अप्वया वःगुलिं बजाः थहां वंगु खँ लगानीकर्तातय्सं धाःगु दु । बैंकतय्सं वइगु चैत दुने ब्याजया स्प्रेड दर ४.७५ प्रतिशतय् थ्यंकेमाः ।

अथेहे आः सरकारी खर्च नं अप्वया वइगु ई जूगुलिं बैंकय् ध्यबा दइगु कारणं ब्याज दर अझ कुहां वनीगु आशा दु । थुकिं यानाः मार्जिन ऋणय् छुं भचा जूसां दनि धयागु आशय् शेयर बजाः थहां वंगु खः विश्लेषकतय्सं धाःगु दु ।आः बजाः थहां वंगु मेगु कारणं शेयरया भाः तसकं दनावःगुलिं नं खः ।

‘तसकं दंगु भावं शेयरय् लाःगुलिं न्याइपिं नं अप्वया वःगु दु, उकिं नं बजाः थहां वःगु खः’ छम्ह विश्लेषकं धाःगु दु ।आः कारोवार ध्यबाय् नं सुधार वःगु दु । न्हापा बजाः थहां वंसां कारोवार ध्यबा धाःसा थहां मवनाच्वंगु खःसा आः ध्यबा नं थहां वंगु दु । सोमवाः जक ४० करोड २८ लाख ४० हजार तका बराबरया १७१ गू कम्पनीया १३ ल ाख ४७ हजार ४८ कित्ता शेयर न्यायेमी जूगु खः ।

सोमवाः शेयर बजाःया फुक्क उपसूचक वाउँक खनेदुगु खः । तःधंगु कम्पनीया मापन याइगु सेन्सेटिभ इन्डेक्स नं ३.१३ अंकं थहां वनाः २४३.२६ अंकय् थ्यन । सोमवाः दकलय् अप्वः निर्जिवन बीमा कम्पनी समूह ७९.७२ अंकं थहां वनसा थ्व धुंकाः छसिकथं जलविद्युत समूह २७.९७ अंकं, बैंकिङ्ग समूह १७.१८ अंकं, लघुवित्त १४.२३ अंकं, होटल १२.१४ अंकं, विकास बैंक १०.१७ अंकं, जीवन बीमा ६.३६ अंकं, उत्पादन ३.९६ अंकं, व्यापार २.७ अंकं, फाइनान्स २.५७ अंकं थहां वंगु दु ।

थुकुन्हु कारोवार जूगु मध्ये अन्य समूह छगू जक १.६२ अंकं कुहां वंगु खः ।सोमवाः नेपाल लाइफ इन्स्यारेसन्सया दकलय् अप्वः निगू करोड ८९ लाख ८५ तका बराबरया कारोवार जुल । सोमवाः दकलय् अप्वः कमे याःपिं ङादी गु्रपया शेयरधनीत जुल । थुकीया शेयर भाः ८.७७ प्रतिशतं थहां वंगु खः । अथेहे दकलय् अप्वः सेन्ट्रल फाइनान्सया लगानीकर्तातय्सं ३.६६ प्रतिशतं द्यापं फयेमाल ।

 

सम्बन्धित बुखँ

LEAVE YOUR COMMENTS