पशुपतिइ सिलाचःर्हेया तयारी
येँ – पशुपति लागाय्सिलाचः¥हेया तयारी शुरु जूगु दु । सिलाचःर्हे कुन्हु पशुपतिइ दर्शनया निंतिं वइपिं दर्शनार्थीतय्त सहज दर्शनया व्यवस्था मिलो यायेत थुगुसी च्यागू थीथी उपसमिति गठन यानाः तयारी याःगु खः । वइगु सोमवाः सिलाचःर्हे लानाच्वंगु दुसा थुकिया निंतिं तयारी स्वरुप रंग पायेगु, मतया व्यवस्था यायेगु, सुरक्षा व्यवस्थाया तयारी यायेगु ज्या न्ह्याः वनाच्वंगु दु ।
सुरक्षा, दर्शन, रात्रीकालीन, स्वयंसेवा, पास व्यवस्थापन, आवास, भोजन लगायतया उपसमिति गठन यानातःगु दु । थुगुसी सिलाचःर्हे कुन्हु भारतं वइपिं पर्यटक लिसें साधुतय् ल्याः नं अप्वःयगु अनुमान यानातःगु दु ।
पशुपति क्षेत्र विकास कोषं थुगुसी सिलाचःर्हे कुन्हु ११ गू लाख स्वयां अप्वः दर्शनार्थी वइगु व इपिं सकसितं पशुपतिया मू देगः दुने हे दुहां वनाः पुजा व दर्शनया व्यवस्था मिले यायेगुकथं तयारी जुयाच्वंगु जानकारी बिउगु दु । सिलाचः¥हे न्ह्यःने थ्यनेवं साधु सन्तत वयेगु क्रम नं शुरु जूगु कोषं न्ह्यथंगु दु ।
LEAVE YOUR COMMENTS