सोमालियाय् कार बम विस्फोट, गुम्ह सित

सोमालियाया राजधानीइ लाःगु तसकं व्यस्त सहय् सोमवाः छगः कार बम विस्फोट जुयाः म्होतिं नं गुम्ह सीगु दुसा तःम्ह हे मनूत घाःपाः जूगु दु । स्थानीय प्रहरी अधिकृत अहमद मोलिन अलिं राजधानी मोगादिसुया तसकं व्यस्त व्यापारिक केन्द्र लिक्क विस्फोट पदार्थं जायेकातःगु कार विस्फोट जुयाः तःम्ह मनूत सीगु खँ धाःगु दु ।

घाःपाः जूपिंत अनया थीथी अस्पतालय् उपचार याकः यंकातःगु दु । प्रत्यक्षदर्शीतय् कथं व्यापारिक केन्द्रया पार्किङ्गय् दिकातःगु कार विस्फोट जूगु खः । स्थानीय व्यापारि मुनिरा अब्दुकादिरं पत्रकारतय्त थःम्हं हमरवाइनी बजाः पौ कुतुं वःगु खनागु व उकी प्यम्ह ल्हानाः सीगु थःम्हं हे खनागु धाःगु दु ।

मोगादिसुइ इस्लामिक पुचः अल सबाबलिसे आवद्ध अलकायदां इलय्ब्यलय् थथे आक्रमण यायेगु यानाच्वंगु दु । थ्व पुचःयात सन् २०११ य् हे राजधानी मोगादिसुं लिनाछ्वःगु खःसां सुलाःसुलाः राजधानीइ आक्रमण यायेगु यानाच्वंगु दु ।