येँ मनपां सहकारीया ल्याः क्वपालीगु

येँ महानगरपालिकां थःगु मातहतया झिंच्यासः व न्यय्खुगू सहकारी संस्थाया ल्याः क्वपालाः ७०० दयेकीगु जूगु दु । संवैधानिक व्यवस्थाकथं २०७५ साउन १ गतेनिसें देय्न्यंकंया दक्वं डिभिजन सहकारी ज्याकू खारेज जुयाः सम्बन्धित स्थानीय तहं सहकारी नियमन यायेमाःगु व्यवस्थाकथं येँ मनपां थःगु क्षेत्र दुनेया चिचिधंगु सहकारीयात एकीकृत यायेत्यंगु खः ।

येँ मनपा सहकारी विभागया प्रमुख नवराज ढकालयाकथं मापदण्ड पिने संचालन जुयाच्वंगु चिचिधंगु सहकारी आपालं दुगुलिं समस्या जूगु धासें उकिया सही व्यवस्थापन यायेत एकीकृत प्रणालीकथं यंकेत्यंगु खः । झिंच्यासः व न्यय्खुगू सहकारीयात क्वपालाः ७०० जक दयेकेगु येँ मनपाया लक्ष्य दुगु न्ह्यथंगु दु ।

सहकारी ऐन २०७४ व येँ मनपा सहकारी ऐन २०७४ कथं कानूनी रुपय् हे एकीकृत याये फइगु व्यवस्था दु । सहकारीयात छगू दयेकेत निगू सहकारी छगुलिइ मेगु एकीकृत जुइत तयार जुइमाः । एकीकृत जुइत इच्छुक निगुलिं सहकारीं येँ मनपाया सहकारी विभागय् निवदेन बीमाः । वयां लिपा येँ मनपां थप प्रक्रिया न्ह्यःने न्ह्याकेगु जुइ धकाः विभागया प्रमुख ढकालं जानकारी बियादिल ।

सहकारी मर्ज यायेत येँ मनपां जक इच्छा यानाः मजिउगुलिं संचालकं नं इच्छा यायेमाःगु जुइ । समान प्रकृतिया सहकारी छगुलिइ मेगु एकीकृत याये फइ । येँ मनपा दुने सहकारीमध्ये दकलय् अप्वः बचत तथा ऋण सहकारी संस्था १,६४४, बहुउद्देश्यीय सहकारी १५६ व विषयगत अन्तर्गत उपभोक्ता, दूग्ध, कृषि, शिक्षा, संचार लगायत दु ।

झिंच्यासः व न्यय्खुगू सहकारीयात क्वपालाः ७०० जक दयेकेगु येँ मनपाया लक्ष्य दु । सहकारी ऐन २०७४ व येँ मनपा सहकारी ऐन २०७४ कथं कानूनी रुपं हे एकीकृत याये फइगु व्यवस्था दु । सहकारीयात छगू दयेकेत निगू सहकारी छगुलिइ मेगु एकीकृत जुइत तयार जुइमाः ।

सर्वसाधारण ठगी याःगु धासें सहकारी विरुद्ध ६० गू मुद्दा लाःगुलिइ ३५ गू या फछ्र्यौट यायेधुंकूगु विभागं न्ह्यथंगु दु । मुद्दामध्ये पीगू स्वयां अप्वः सहकारी नागरिकया ध्यबा इलय् हे लित मबिउगु दु । सहकारी अनुगमनय् महानगरयेँ महानगरपालिकां लिपांगु इलय् सहकारीया अनुगमन नं शुरु याःगु दु ।

न्हापांगु चरणय् नियमं पिने च्वनाः संचालन जुयाः पत्राचार याःगुयात कारवाही यायेगु प्रक्रिया न्ह्याकीगु जुयाच्वंगु दु । निगूगु चरणय् मेमेगुयात नं अनुगमन यानाः आवश्यकताकथं निर्देशन बीगु खँ धाःगु दु । निर्देशनया पालना मयात धाःसा येँ मनपाया सहकारी ऐनकथं कारवाहीया प्रक्रिया न्ह्यःने यंकेगु ढकालं कनादिल ।

दक्वं सहकारी येँ महानगरपालिका सहकारी ऐन–२०७४ कथं संचालन यायेमाःगु जुइ । येँ मनपाया सहकारीइ जक करिब निगू लाख सदस्य जुयाच्वंगु दुसा च्याद्वलं रोजगारी प्राप्त यानाच्वंगु दु । दक्वं सहकारीपाखें करिब न्हय्गू अर्ब सेयर, करिब न्यय्निगू अर्ब बचत परिचालन व पीछगू अर्ब बराबरया त्यासा प्रवाह जुयाच्वंगु ढकालं जानकारी बियादिल ।

सहकारी दर्ता जुइगु क्रम न्हियान्हिथं अप्वया वनाच्वंगु दु । सहकारी विभागया प्रमुख ढकालं धयादिल, ‘वइगु दिनय् न्हूगु सहकारीयात संचालनया निंतिं अनुमति बीगु स्वयां नं संचालनय् दुगुयात नियमन व निर्देशन यानाः बांलाका यंकेगुपाखें जिमिसं बः बियावनेगु जुइ ।’
दक्वं सहकारीयात न्हियान्हिथं अनलाइनपाखें थःगु जानकारी याकेत नं येँ मनपां निर्देशन बिउगु दु ।

थःगु सहकारीइ न्हियान्हिथं गुलि आर्थिक कारोबार जुइ, लगानी व संकलन जूगु गुलि दु धइगु विषयय् न्हिथं जानकारी याकेमाःगु जुइ ।
बचत तथा ऋण सहकारी संचालन यायेत सछिम्ह सदस्य दयेमाःगु, संचालक सदस्यमध्ये न्यय्म्हेसिनं अनिवार्य रुपं तालिम काःगु जुइमाःगु, सदस्यमध्ये ८० प्रतिशतं सहकारी संचालन जुइगु क्षेत्र दुने हे बसोबास याःपिं जुइमाःगु कानूनी प्रावधान दु ।

सम्बन्धित बुखँ

LEAVE YOUR COMMENTS