ने. सं. ११४६ दिल्लाथ्व तृतीया -

अष्टलक्ष्मी शाक्यया एन्जियोप्लाष्टी

येँ (नेपालभाषा टाइम्स) – बागमति प्रदेशया पुलांम्ह मुख्यमन्त्री अष्टलक्ष्मी शाक्यया नुगःचुइ गम्भीर समस्या वयेवं अस्पताल भर्ना जुयादीगु दु । उपचारया झ्वलय् म्हिगः हे यलया पाटन स्वास्थ्य विज्ञान प्रतिष्ठानय् वय्कःया ‘एन्जियोप्लाष्टी’ याःगु दु । म्हिगः सुथय् आकाझाकां स्वास्थ्यय् समस्या वयेवं वय्कःयात अस्पतालय् यंकूगु खः । नुगःचुया समस्या खनेदयेवं वरिष्ठ मुटुरोग विशेषज्ञ डा. अशोक अधिकारीया नेतृत्वय् डा. प्रविन्द्र महर्जन व डा. आनन्द जीसी दुथ्याःगु पुचलं शल्यक्रिया याःगु खः । शल्यक्रिया लिपा म्हिगः निसें सघन उपचार कक्षय् तयाः वासः याकातःगु दु ।