न्हूगु ¥याप म्येँया म्युजिक भिडियो

येँ(नेपालभाषा टाइम्स)- नेपालभाषा म्युजिक भिडियोया ख्यलय् न्हूगु पहः व न्हूगु सवाःया छपु म्युजिक भिडियो पिहां वःगु दु । ख्यालि कलाकारलिसें संचारकःमि सुरेन्द्र मानन्धरया ‘यो यो यो’ बोलयम ¥याप म्येँ वंगु आइतवाः पितब्वज्या याःगु खः ।

मानन्धरं थम्हं हे च्वयाः वय्कलं हे लसय् हनाः हालादीगु म्येँया म्युजिक भिडियोय् मानन्धरलिसें किरण जोशी, ध्रुव कपाली, शुभलक्ष्मी मानन्धर, सुमित्रा महर्जन श्रेष्ठ, मन्जिला वज्राचार्य, अञ्जन श्रेष्ठलिसें मेपिं आपालं कलाकारं अभिनय यानादीगु दु ।

निर्देशन व परिकल्पना नं मानन्धर थम्हं यानादीगु म्युजिक भिडियोया छायाँकन बाल कुमार मगरं व सम्पादन इन्द्र मानन्धरं सम्पादन यानादीगु खः ।
मूपाहांकथं झायादीम्ह पुलांम्ह राज्य मन्त्री रामवीर मानन्धरं म्युजिक भिडियोया पितब्वज्या यासें नेपालभाषाया म्युजिक भिडियो ख्यः तब्या जुजु वनाच्वंगु धसें लसता प्वंकादिल ।

ज्याझ्वलय् सिने पत्रकार विजयरत्न असंबरे, संचारकःमि दर्शनवीर शाक्य, पुलांम्ह एआइजी विजयलाल कायस्थ, निर्माता ध्रुव कपाली व कलाकार मानन्धरं म्युजिक भिडियोया थीथी पक्षयात कयातः थःथःगु नुगःखँ तयादीगु खः ।