टेलिकमया न्हूगु अफर सुरु

येँ – नेपाल टेलिकमं ग्राहकतय् सुविधाया निंतिं थीथी प्याकेजसहित विन्टर अफर हःगु दु । आइतवाः निसें लागू जूगु थ्व अफर वइगु चैत २८ गते तक दइगु खँ टेलिकमया प्रवक्ता प्रतिभा वैद्यं धयादीगु दु । न्हापा बिया वयाच्वंगु अटम अफरय् थप छुं सुविधा बियाः न्हूगु अफर हःगु खः ।

थ्व अफरय् ह्याप्पी विकेन्ड प्याक, अल टाइम डाटा प्याक, नाइट टाइम डाटा भोलुम बेस्ड डाटा प्याक, अनलिमिटेड डाटा प्याक, अल टाइम सोसियल डाटा प्याक, अल टाइम डाटा स्ट्रिमिङ प्याक दुथ्याः । अथेहे अल टाइम फोरजी डाटा प्याक जीएसएम–सीडीएमए थ्रिजी–फोरजी एक जीवी प्रतिवेदनया डाटा प्याक, अल टाइम भ्वाइस प्याक, नाइट टाइम भ्वाइस प्याक, सियुजी प्याकेज लगायतया सेवाय् अफर बिउगु दु ।

कम्पनीया कथं ह्याप्पी विकेन्ड प्याक अन्तर्गत जीएसएम, सीडीएमए, प्रिपेड, पोस्टपेड मोबाइलय् शुक्रवाः, शनिवाः व आइतवाः हरेक दिन १ जिबी डाटा छ्यलेदइ । थ्व सेवा सछि तकाः न्हयन्हुया निंतिं जुइ । अलटाइम डाटा प्याक अन्तर्गत कम्पनीं बिउगु थीथी प्याकेजय् ५० प्रतिशत थप बोनस डाटा उपलब्ध् दइ ।

थुकी झितका निसें न्यासः तका तकया प्याक उपलब्ध दु । थ्व सेवाय् बोनससहित २३ एमबी निसें ४५०० एमबी तकया प्याकेज न्यायेदइ । थ्व प्याकज छन्हु निसें २८ न्हु तक दइगु खँ टेलिकमं पितबिउगु विज्ञप्तिइ न्ह्यथनातःगु दु । अथेहे नाइट टाइम भोलुम बेस्ड डाटा प्याकय् नं थप ५० प्रतिशत बोनस डाटा उपलब्ध जुइ ।

थ्व प्याक अन्तर्गत न्यातकां ६८ एमबी डाटा छचा छ्यलेदइ । अथेहे न्हय्न्हु तकया अवधिइ ४५ तकां ६३८ एमबी डाटा व २८ न्हुया अवधिइ ७८८० एमबी डाटा स्वसः तकाः छ्यलेदइगु प्याकेज चान्हय् १० बजे निसें सुथय् ६ बजे तक उपलब्ध जुइ ।अनलिमिटेड नाइट टाइम डाटा प्याक अन्तर्गत झिंन्यातकां चान्हय् १० बजे निसें सुथय् ६ बजे तक चले यायेदइ । थुकिया अवधि डाटा न्याःगु छन्हु तक दइ ।

अथेहे डे प्याक, एसएमएस प्याक, एफटीटीएच व्यक्तिगत प्याकेज, एफटीछीएच कर्पोरेट युजर प्याकेज, एडीएसएल भोलुम बेस्ट प्याकेज, एडीएसएल अनलिमिटेड प्याकेज, विद्यार्थी अफर, इन्डिया कल अफर, मिस्ड कल अलर्ट थेंज्याःगु सेवाय् नं अफर प्याकेज उपलब्ध दुगु खँ टेलिकमं धाःगु दु ।

 

सम्बन्धित बुखँ

LEAVE YOUR COMMENTS