वाइवाई ग्लोकल टिन हिरो सुरु

येँ – युवा पुस्तायाके दुगु प्रेरणा व उत्साह प्रस्फुटन यानाः उमिसं समाजय् याःगु प्रभावकारी ज्यायात कदर यायेगु व मेथाय् म्हसिका बिइगु ज्याझ्वः वाइवाइ ग्लोकल टिन हिरोया शुभारम्भ जूगु दु । सोमवाः छगू ज्याझ्वःया दथुइ ग्लोकल टिन हिरो इन्डियाया सुभारम्भ याःगु खः ।
थ्व ज्याझ्वलय् युवा पुस्तायाके दुगु उत्साह, रचनात्मक व सुरुवातया चाहनायात म्हसीका राष्ट्रया मेपिं युवापुस्तायात नं उद्यमी सोचाइ विकास यायेत उत्प्रेरित याइगु खँ धाःगु दु ।

शुभारम्भ ज्याझ्वलय् भारतीय राजदूत मंजीव सिंह पुरी, सिजिया उपाध्यक्ष जीपी शाह, पुलांपिं निर्णायक मण्डलया दुजःपिं, केआरसी फाउन्डेशन –ग्लोकल टिन हिरोया निंतिं स्थानीय आयोजक)या प्रतिनिधि व भारतीय दूतावासया प्रतिनिधिपिं उपस्थित जूगु खः ।
ग्लोकल टिन हिरो इन्डियाया आवेदन मंगलवाः जनवरी १५ निसें हे चाःगु दुसा २ अप्रिल २०१९य् बन्द जुइगु खँ धाःगु दु ।

थुकिया मू ज्याझ्वलय् २० अप्रिलय् भारतया गुहाटीइ जुइ ।दक्षिण एशियाली युवातय् पहिचान यायेगु न्हपांगु ज्याझ्वः, दक्षिण एशियाली ग्लोकल टिन हिरो २०२० येँय् ग्वसाः ग्वयेगु ताः तयाः ग्लोकल प्रा.लिं दक्षिण एशियाया फुक्कं देशय् ग्लोकल टिन हिरो आयोजना यानाः न्ह्याः वनाच्वंगु दु ।