साल्ट ट्रेडिङ पोखराय् च्यागू करोडया कारोवार

येँ –  साल्ट ट्रेडिङ कर्पोरेशनं पोखराय् जक चालु आर्थिक दँया न्याला दुने च्यागू करोड तका बराबरया कारोवार जूगु खँ धाःगु दु । थ्व अवधि दुने खाद्या पदार्थ, चिकं, चि व चिनी यानाः न्हयगू करोड ५९ लाख तका बराबरया कारोवार जूगु खँ पोखराया प्रमुख सुरेशराज भण्डारीं धयादीगु दु । थ्यंमथ्यं च्यागू करोडया कारोवार जूगुलिइ दकलय् अप्वः चिया हे कारोवार जूगु खः ।

थ्व न्यालाया दुने जक न्हयगू करोड ३२ लाख ११ हजार ९६५ तका बराबरया ८९ हजार २८५ बोरा चि मियागु खँ पोखरा कार्यालयं धाःगु दु ।
साल्ट टे«डिङ पोखरां डिलरया माध्यमं कास्की, तनहुँ, लमजुङ, स्याङजा व गोरखाय् चि आपूर्ति याना वयाच्वंगु दु ।

पोखरा कार्यालयपाखें थ्व अवधिइ १६ लाख ५६ हजार ३४२ तका बराबरया रासायनिक सा, १ लाख ३३१८ तका बराबरया चोकर व मैदा, ८१ हजार तकाया आटा, ४ लाख ६९ हजार ३०७ तकाया सूर्यमुखी चिकं ४ लाख ९ हजार २०३ तका बराबरया चिनि मिउगु खँ धाःगु दु ।

सम्बन्धित बुखँ

LEAVE YOUR COMMENTS