बिपिसीं मस्र्याङ्दी आयोजना न्यात

येँ – बुटवल पावर कम्पनी (बिपिसीं) २८३ मेगावाटया निर्माणधिन मस्र्याङदी हाइड्रोपावर आयोजना न्यानाकाःगु दु । बिपिसीं थ्व आयोजना दयेकाच्वंगु मनाङ मस्र्याङदी हाइड्रोपावर प्रालिया फुक्कं शेयर न्यानाकाःगु खः । थ्व कम्पनीं राजरत्न इनर्जी होल्डिङ्स व मस्र्याङदी पावर कम्पनीया च्यागू लाख ८५ हजार ९६० कित्ता शेयर दु ।

बिपिसीं न्यानाकाःगु शेयर रजिस्ट्रार ज्याकुथिइ अभिलेख नं यायेधुंकूगु दु । मनाङय् दयेकाच्वंगु थ्व आयोजनां मत उत्पादनया अनुमति न्हापा हे कयातयेधुंकूगु दुसा आः मत मिइगु निंतिं सम्झौता यायेगु तयारी जुयाच्वंगु दु ।

बिपिसीं थ्व आयोजनाय् आः चिनियाँ साझेदार दुत हयेगु तयारी यानाच्वंगु खँ नं धाःगु दु । बिपिसीया कथं थ्व आयोजनाय् एससिआइजी इन्टरनेशनल लिमिटेड, जिङचिङ इन्टरनेशनल इन्भेस्टमेन्ट, क्युवाइइसि इन्टरनेशनल व एससिआइजी इन्टरनेशनल नेपाल हाइड्रा जोइन्ट डेभलपमेन्ट प्रालिं मंकाः लगानी याइगु खँ धाःगु दु ।