नेपाल लाइफं ४८.५ प्रतिशत लाभांश बीगु

येँ – नेपाल लाइफ इन्स्योरेन्सं वंगु आर्थिक दँया नाफा पाखें ४८.५ प्रतिशत लाभांश बीगु जूगु दु । कम्पनीं २५ प्रतिशत बोनस शेयर लिसें २३.५ प्रतिशत नगद लाभांस बीत्यंगु खः । थुगुसी बीत्यंगु लाभांस धाःसा थगुने स्वयां म्हो खः । थगुने थगुने ४२ प्रतिशत बोनस शेयर व २८ प्रतिशत नगद लाभांससहीत ७०.५३ प्रतिशत लाभांस बिउगु खः ।

संचालक समितिया २८२ औं बैठकं थ्व लाभांस बीगु निर्णय याःगु खः । आः थुकिया साधारण सभां पारित यायेमानि ।नेपाल लाइफया थौंकन्हय् चुक्ता पुँजी ४ अर्ब ३९ करोड दु । थुकिया २५ प्रतिशतया ल्याखः १ अर्ब ९ करोड तका बराबरया बोनस शेयर बीगु जुइ । अथेहे शेयरया निंतिं करसहित नगद लाभांस जक १ अर्ब ३ करोड तका बी।

बोनस शेयर बीधुंकाः चुक्ता पुँजी ५ अर्ब ४९ करोड थ्यनी ।नेपाल लाइफ जीवन बीमा व्यवसाय दकलय् तःधंगु कम्पनी खःसा दँय्दसं १ नम्बरय् लाक्क कारोवार याना वयाच्वंगु दु । चालु आर्थिक दँया खुला दुने कम्पनीं १० अर्ब ४७ करोड तका बराबरया बीमा शुल्क म्हयेधुनागु खँ धाःगु दु ।

सम्बन्धित बुखँ

LEAVE YOUR COMMENTS