‘खोनाय् मुआब्जा अप्वयेकि’

येँ –  संसदया राज्य व्यवस्था तथा सुशासन समितिं खोना व बुंगया जनतायात मुआब्जा अप्वयेकेत व स्थानीय जनताया माग सम्बोधन यायेगु लागिं सरकारयात निर्देशन बिउगु दु । समितिया शुक्रवाः च्वंगु बैठकं सरकारयात उगु निर्देशन बिउगु खः । निर्देशन बीगु झ्वलय् समितिं खोनाया बासिन्दायात क्वःछिनातःगु मुआब्जा ध्यबा म्हो जूगुलिं उकियात अप्वयेकेत व सांस्कृतिक, ऐतिहासिक व पुरातात्विक महत्वया सम्पदा स्यंके मते धकाः नं निर्देशन बिउगु दु ।

छुं न्हिं न्ह्यः जक समिति उपस्थित जुयादीम्ह उपप्रधान लिसें रक्षामन्त्री ईश्वर पोखरेल फास्ट ट्राय्क राज्य व्यवस्था समितिया सुशासन समितिया क्षेत्राधिकारी दुने मलाःगु धासें विकास व प्रविधि समितिइ छ्वया बीत इनाप यानादीगु खः । लिसें वय्कलं खोना व बुंगया जनतया मागयात कयाः उचित सम्बोधन जुइगु खँ धयादीगु खः ।

तर राज्य व्यवस्था समितिं धाःसा मानवीय संवेदना लिसे स्वानाच्वंगु आयोजना न्ह्याकेत स्थानीय जनतायात न्यायोचित माग पूवंकेमाःगु खँ धाःगु दु । सरकारपाखें फास्ट ट्राय्क दयेकेगु सवालय् खोना व बुंगय् जक मुआब्जा अप्वयेकाः मेथाय् कम याये फइ मखु धइगु तकं समिति दुने तयाच्वंगु दु । मुआब्जा फुकभनं समान जुइमाः धइगु सरकारया धापू खः ।

सम्बन्धित बुखँ

LEAVE YOUR COMMENTS