नेकपाय् मिसा ल्याः म्हो

येँ – सत्तारुढ पार्टी नेकपाया थीथी कमिटीइ मिसा प्रतिनिधित्व मगाःगु खँय् पार्टीया मिसा नेतृतय्सं सः तया हःगु दु । नेकपाया दकलय् च्वय्या निकाय स्थायी कमिटीइ मिसातय् ल्याः १७ प्रतिशत जक दुसा नकतिनि गठन याःगु प्रदेश कमिटीइ नं १७ प्रतिशत जक मिसा दु ।

देय्या संविधान कथं फुक्क संस्थातय्सं थःपिनि कमिटीइ ३३ प्रतिशत मिसा अनिवार्य रुपं तयेमाः । नेकपां धाःसा आः याकनं हे थःगु पार्टीयात मेमेगु पार्टी स्वयां दकलय् अप्वः मिसा सहभागिता दुगु पार्टी दयेकेगु धकाः बचं बिउगु दु ।