भुनुभुनु हाली छु याये ?

देशया अर्थमन्त्रीं धाइ, ‘देशया जमिनय् राष्ट्रिय स्वामित्व दयेमा । जमिन छ्यलीपिंके हकभोगया अधिकार जक दयेमाःगु । तर संविधानं जनतायात जमिनया स्वामित्व भोग याये दइगु अधिकार बियाबिल । थ्व देशया विकासयात तःधंगु पंगः जुयाबी । विकास निर्माणया सन्दर्भय् जमिनत माली । सरकारं स्वत काये दइ मखु ।

काये फै मखु । लखौं लख ध्यबा पुलेमाली । सरकारयाके ध्यबा दइमखु । फलस्वरुप विकासया ज्या दी । सम्पन्न याये फइमखु । समृद्धिया कार्यक्रमत फुक्कं अपूर्ण जुइ । ‘सरकारयाके देशया जमीन प्रति स्वामित्व मदुगु खँय् अर्थमन्त्रीं खेद प्रकट याइ । संविधानं जनतायात भूमि प्रतिया स्वामित्व बिउगु खँय् असन्तोष व्यक्त याइ ।

थ्वहे कारण न्ह्यःने तयाः थःगु विकासया कार्यक्रमत सफल जुइ फइमखु ला धकाः शंका व्यक्त याइ । खतुं अर्थमन्त्रीं देशया जमीनया मालिक, सरकार जुइमाः धइगु बिचाः थःगु विकास कार्यक्रमया सन्र्दय फयेमाःगु आर्थिक भारया कारणं धाःगु जुइ । तर गुगु प्रश्न वय्कलं न्ह्यथन व गहन राजनैतिक प्रश्न खः । सैद्धान्तिक प्रश्न जुइ ।

तर अर्थमन्त्रीं उलि हलुका पारां थ्व न्ह्यसः तइ । थज्याःगु प्रश्न बहसय् हयेत वय्कलं थःगु राजनैतिक हैसियत बांलाक क्यने माः । प्रष्ट याये फयेकेमाः । अन्यथा अज्याःगु गहन राजनैतिक प्रश्न थःगु कमजोरी सुचुकेगु त्वह जक जुइ । खनेदइ । धाये । देशया जमीन फुक्क राज्यया स्वामित्वय् वल । लात । फुक्क भूमि सरकारं थः यथे छ्यले दइगु जुल ।

धाये । देशया जमीन फुक्क राज्यया स्वामित्वय् वल । लात । फुक्क भूमि सरकारं थः यथे छ्यले दइगु जुल । थ्व अवस्थाय् अले छु सरकारं विकास जादूमय ढंगं याये फइ । ग्यारेन्टी बी फइ ला ?

थ्व अवस्थाय् अले छु सरकारं विकास जादूमय ढंगं याये फइ । ग्यारेन्टी बी फइ ला ? थुलि ग्यारेन्टी बीत देशय् गज्याःगु राजनैतिक नेतृत्व माः । गज्याःगु राजनैतिक प्रतिबद्धता इमान्दारिता माः । देशय् थौं विकास जुयाच्वंगु राजनैतिक धाः, चरित्रं जनताय् थज्याःगु विश्वास थने फये धुंकल ला ? ठी कजू कम्युनिट शासन व्यवस्थाय् भूमिप्रति राज्यया स्वामित्व दइ ।

अन व्यक्तिगत सम्पत्ति पाखेर प्रोत्साहित याइमखु । तर अन जनताया आधारभूत आवश्यक्ताया जिम्मेवारी सरकार, व्यवस्थां पूर्ण रुपय् काइ । सरकार, जनता प्रति पूर्ण रुपय् जिम्मेवार जुइ । राजनैतिक, सैद्धान्तिक रुपं सशक्त प्रतिबद्धतां जक समाजवाद थहां वनी । अर्थमन्त्री टुक्रे वस्ताडी थें म्ये हालेत स्वइ ।

ध्वास्स धाइ– ‘जमीनय् राज्यया स्वामित्व दयेमाःगु खः । संविधानं द्वंकल, मौका त्वःफिकल ।’ थौंया अर्थमन्त्री अर्थविद् खः । राजनैतिक व्यक्तित्व मखु । त वय्कलं थःगु धापू पित बियाः छुगज्याःगु राजनैतिक उद्देश्यं थःगु धापूया पत्ता वांछ्वःगु खः । स्पष्ट यायेमाः । राज्यया स्वामित्वय् देशया जमीन लायेवं हे विकास मिखा तिस्सिना याये फइ, जुइ धायेफइमखु ।

विकासया उद्देश्य लक्ष्य कार्यान्वयन विधि, विविधि पक्षया उतिकं महत्व दयाच्वनी । देय्या गुलिं जमीनया सांस्कृतिक महत्व दइ, गुलिं जमीन प्राृकतिक विविधिताया धुकू जुयाच्वनी । गुलिं जमीन कला, सांस्कृतिक सम्पदाया खानि जुयाच्वनी । गुलिखे भूमि जाति, जनजातिया विविधि रंगं रंगीन जुयाच्वनी ।

देशया आधुनिक विकासया नामं देशया जमीनया विविधि महत्व व विशेषताया चिउता तयेम्वाः ला ? न्ह्यसः दनि । देशया अमूल्य स्थलयात सुरक्षित, संरक्षित यायेगु देशया विकास विरोधी ज्या जुइ ला ? देशं विकास कार्य न्ह्याबलें देशया विविधि प्रकृति कथं विकास अवधारणा नालेगु लाकि देशया संस्कृति, सम्पादातय्त मिखा तिस्सिना पेले यानाः विकास सम्पन्न यायेगु ?

देशय् राज्यया स्वामित्व दयेवं हे जमीनया सदुपयोग जुइ धाये फइगु स्थिति मदु । छखें देशयात पूँजीपतितय् स्वार्थय् आधुनिकिरण यायेगु मेखे जमीनया स्वामित्व राज्यया जुइमाः धकाः समाजवादी तरंग थनेगु । थ्व विरोधाभास व द्वध चरित्र त्वःताः देशं थौं नालाच्वंगु राजनैतिक चरित्र छु गज्याःगु खः स्पष्ट यायेमाः । अर्थमन्त्रीं झुलया पिने च्वनाः जमीनया राष्ट्रियकरणया खँ भुनभुन हाली, छु याये ?

सम्बन्धित बुखँ

LEAVE YOUR COMMENTS