स्थानीय निकायया ४० अर्ब ध्यबा बैंकं निक्षेप कथं चले याये दइगु
येँ – संघीय सरकारं स्थानीय निकाययात क्वःछिनातःगु बजेट वाणिज्य बैंकतय्त निक्षेपया रुपय् परिचालन यायेत बिउगु दु । अर्थ मन्त्रलयं स्थानीय निकायया बजेट मध्ये ५० प्रतिशत ध्यबा बैंकयात निक्षेपया रुपय् परिचालन यायेगु लँपु चायेका बिउगु खः । थौंकन्हय् स्थानीय तहया बैंक खाताय् ध्यबा तयेवं कन्हय् कुन्हु केन्द्रीय बैंकं सालेगु यानाच्वंगु खः ।
स्थानीय निकायं खर्च यायेधुंकाः जक उगु ध्यबा बैंकतय्सं निक्षेपया रुपय् छ्यले दइगु खः । तर आः धाःसा स्थानीय निकाययात छ्वःगु ५० प्रतिशत बजेट सम्बन्धित बैंकं छ्यले दइगु जूगु दु । म्हिगः हे राष्ट्र बैंकय् दुगु स्थानीय निकायया ध्यबा सम्बन्धित बैंकय् छ्वयेधुंकूगु दु ।
थौंकन्हय् स्थानीय निकायया खाताय् ८० अर्ब तका ध्यबा दु ।
बैंकतय्सं त्यासा प्रवाह याये मफयेवं
सरकारं काःगु ८ प्रतिशत आर्थिक वृद्धि
दरया लक्ष्य पूमवनीगु जूगुलिं स्थानीय निकायया ध्यबा निक्षेपया रुपय् परिचालन यायेगु लँपु चायेका बिउगु खः ।
थुकी मध्ये ४० अर्ब तका निक्षेपया रुपय् परिचालन यायेदइगु जूगु दु । थ्व ध्यबा करेन्ट एकाउन्टय् च्वनीगु जूगुलिं बैंकतय्सं ब्याज नं पुलेम्वाः । ४० अर्ब तका ध्यबा निक्षेपया रुपय् बैंकय् वयेवं बैंकया औसत कर्जा–पुँजी–निक्षेप अनुपात (सिसिडी रेसियो) ७९ प्रतिशत स्वयां कुहां वःगु दु । ४० अर्बया ८० प्रतिशत तका ध्यबा बैंकतय्सं त्यासाया रुपय् बीफइगु जूगु दु ।
थ्व धइगु बैंकतय्सं ३२ अर्ब तका त्यासाया रुपय् परिचालन यायेगु लँ चाःगु खः । बैंकतय्सं त्यासा प्रवाह याये मफयेवं सरकारं काःगु ८ प्रतिशत आर्थिक वृद्धि दरया लक्ष्य पूमवनीगु जूगुलिं स्थानीय निकायया ध्यबा निक्षेपया रुपय् परिचालन यायेगु लँपु चायेका बिउगु खः । थौंकन्हय् बैंकतय्के माक्वः तरलता मदयाः ४५० स्वयां अप्वः त्यासाया माग जुयाच्वंगु फाइल थानाच्वंगु दु ।
आः स्थानीय निकायया ध्यबा छ्यलेवं बैंकतय् समस्या ज्यनीगु खँ धाःगु दु । आः स्थानीय निकायया ध्यबा नियमित रुपं वइगु जूगुलिं न्हापा थें तरलताया समस्या म्हो जुइगु विश्वास नं बैंकरतय्सं याःगु दु । स्थानीय निकायया ध्यबायात निक्षेपया रुपय् छ्यलेगु निंतिं नेपाल राष्ट्र बैंक, महालेखा नियन्त्रकया ज्याकू व बैंकर्स संघ दथुइ ताः ईया सहलह लिपा आर्थिक कार्यविधि नियमावली संशोधन यानाः स्थानीय तहलय् ध्यबा छ्वयेगु व्यवस्था मिले याःगु खः ।
LEAVE YOUR COMMENTS