मजदुरतय् पारिश्रमिक म्होतिं लय् नीद्वः यायेत माग
येँ – श्रमिक मजदूरतय्त सामाजिक सुरक्षा सहित म्होतिं नं लय् नीद्वः तका पारिश्रमिक क्वःछिइमाःगु माग याःगु दु । श्रम, रोजगार तथा सामाजिक सुरक्षा मन्त्रालयं आइतवाः बुटवलय् ग्वसाः ग्वःगु न्यूनतम पारिश्रमिक निर्धारण सम्बन्धी अन्तक्र्रिया व सुझाव कायेगु ज्याझ्वलय् वइगु आर्थिक दँ निसें लागु जुइकथं म्होतिं नं नीद्वः पारिश्रमिक यायेमाःगु माग याःगु खः ।
ज्याझ्वलय् न्ववासें जिफन्टया प्रदेश अध्यक्ष हरि कार्कीं उद्योगी व मजदुर दथुइ स्वापू थःथवय् परिपूरक जूगु धासें मजदूरतय् ज्याला म्होतिं नं लय् नीद्वः जुइमाःगु खँय् बः बियादीगु खः ।ज्याझ्वलय् न्ववासें बुटवल उद्योग वाणिज्य संघया अध्यक्ष खिमबहादुर हमालं देशय् लगानीमैत्री वातावरण दयेकेमाःगु खँ धयादिसें श्रमिकतय् जीवनयापन जुइकथंया न्हूगु पारिश्रमिक क्वःछिइमाःगु खँ धयादीगु खः ।
LEAVE YOUR COMMENTS