नेदरल्यान्ड युइएफएया सेमिफाइनलय्

नेदरल्यान्ड युइएफए नेसन्स लिगया सेमिफाइनलय् थ्यंगु अन्तिम टिम जूगु दु । समुह ए १ या अन्तिम कासाय् नेदरल्याण्डं जर्मनी लिसे बराबरी म्हिताः सेमिफाइनल प्रवेश याःगु खः । जर्मनीया मैदानय् जूगु कासाय् नेदरल्याण्ड व जर्मनीं निगू निगू गोलया बराबरी म्हितूगु खः ।

जर्मनीं न्हापांगु हाफया १९ मिनेट दुने निगू गोलया अग्रता कायेधुंकूगु खः, तर कासाया अन्तिम न्यागू मिनेटय् नेदरल्याण्डं निगू गोल यायेवं कासा बराबरीइ वंगु खः ।कासाया ९ औं मिनेटय् टिमो वार्नरया गोलं जर्मनीं अग्रता काःगु खः । लिरो सानें १९ औं मिनेटय् निगूगु गोल याःगु खः ।

निगू गोलं लिउने लायेधुंकूगु नेदरल्यान्डं निगूगु हाफय् उत्कृष्ट कासा म्हिताः अन्तिम न्यागू मिनेटय् निगू गोल याःगु खः ।कासाया ८५ औं मिनेटय् क्विसी प्रमोलं व ९० औं मिनेटय् नेदरल्याण्डया निंतिं गोल याःगु खः । बराबरी लिपा नेदरल्याण्ड समुह विजेता जुया सेमिफाइनल प्रवेश याःगु खः ।

थ्वहे समुहय् च्वंगू विश्वकप त्याकूगु फ्रान्स समान अकं दुसां गोल अन्तरया कारणं सेमिफाइनल प्रवेश याये मखंगु खः । युइएफए नेसन्स लिगया सेमिफाइनलय् थ्यंगु अन्तिम प्यंगू टिम इग्ल्याण्ड, पोचुर्गल, स्वीट्जरल्याण्ड व नेदरल्याण्ड जूगु दु । सेमिफाइनल कासा सन् २०१९ या जुन ५ व ६ तारिखय् पोर्चुगलय् जुइ ।